Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 79:1-13

NUHE E BẸHẸN LẸ

  • Odẹ̀ to whenue akọta lẹ tọ́nawhànmẹ

    • “Mí ko lẹzun vlẹko na kọmẹnu” (4)

    • ‘Gọalọna mí, na oyín towe wutu’ (9)

    • “Yiahọsu to kọmẹnu mítọn lẹ go whla ṣinawe” (12)

Ohàn Asafi tọn.+ 79  Jiwheyẹwhe E, akọta lẹ ko yangbé ogú towe tọn;+ Yé ko hẹn tẹmpli wiwe towe flu;+ Yé ko diọ Jelusalẹm zun okiti gbakija tọn.+   Yé ko hẹn oṣiọ devizọnwatọ towe lẹ tọn zun núdùdù na ohẹ̀ agahomẹ tọn lẹ Podọ agbasalan omẹ nugbonọ towe lẹ tọn na gbekanlin aigba ji tọn lẹ.+   Yé ko kọ̀n ohùn yetọn yìn ai di osin lẹdo Jelusalẹm pé, Bọ mẹde ma pòai nado dì oṣiọ yetọn.+   Mí ko lẹzun vlẹko na kọmẹnu mítọn lẹ;+ Mẹhe lẹdo mí pé lẹ nọ ṣàn mí kò bo nọ yẹ́n-awọnlín do mí.   Jehovah E, nawẹ hiẹ na to adi ji dẹnsọ? Kakadoi wẹ ya?+ Nawẹ homẹgble towe na jizò taidi miyọ́n de dẹnsọ?+   Kọ̀n homẹgble towe do akọta he ma yọ́n we lẹ ji Podọ do ahọluduta he ma nọ dawhá ylọ oyín towe lẹ ji.+   Na yé ko tlẹ́n Jakọbu dù Bo ko hẹn aigba etọn jẹvọ́.+   A hia nuṣiwa tọgbo mítọn lẹ tọn dokọna mí blo.+ Yawu wàlẹblanuna mí,+ Na mí ko yin hinhẹnwa odò petepete.   Jiwheyẹwhe whlẹngán mítọn tọn E, gọalọna mí,+ Na oyín gigonọ towe wutu; Whlẹn mí bo jona* ylando mítọn lẹ, na oyín towe wutu.+ 10  Naegbọn akọta lẹ nado dọ dọ: “Fie wẹ Jiwheyẹwhe yetọn te?”+ Gbọ e ni yin hinhẹn zun yinyọnẹn na akọta lẹ to nukun mítọn mẹ Dọ ohùn devizọnwatọ towe lẹ tọn he yin kinkọnyinai lọ ko yin ahọsuyina.+ 11  Na hiẹ ni sè azọ̀nwinwẹn gàntọ tọn.+ Yí huhlọn* daho towe do hẹn mẹhe owhẹ̀ okú tọn ko yin didá na* lẹ dogbẹ̀.*+ 12  Yiahọsu to kọmẹnu mítọn lẹ go whla ṣinawe,+ Na vlẹko susu he yé ko hẹnwa ji we lẹ wutu, Jehovah E.+ 13  To whenẹnu, mí omẹ towe lẹ podọ lẹngbọpa kanlindugbo towe tọn,+ Na nọ dopẹna we kakadoi; Mí nasọ nọ lá pipà towe sọn whẹndo de mẹ jẹ devo mẹ+.

Nudọnamẹ Odò Tọn

To paa mẹ, “ṣinyọnnudo.”
To paa mẹ, “awà.”
To paa mẹ, “hẹn visunnu okú tọn.”
Kavi vlavo, “do tún mẹhe owhẹ̀ okú tọn ko yin didá na lẹ dote.”