Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 74:1-23

NUHE E BẸHẸN LẸ

  • Odẹ̀: Jiwheyẹwhe ni flin omẹ etọn lẹ

    • Azọ́n whlẹngán tọn Jiwheyẹwhe tọn lẹ finflin (12-17)

    • “Flin vlẹko kẹntọ tọn” (18)

Maskili.* Ohàn Asafi tọn.+ 74  Jiwheyẹwhe E, naegbọn hiẹ do gbẹ́ mí dai kakadoi?+ Naegbọn hiẹ do gblehomẹ sinsinyẹn* do lẹngbọpa kanlindugbo towe tọn go?+   Flin mẹhe* ko lẹzun towe sọn whenu dindẹn die lẹ,+ Hẹnnu he hiẹ ko fligọ taidi ogú towe.+ Flin Osó Ziọni fie hiẹ ko nọ dai.+   Deafọ pànta fie ko yin gbigbakija pete lẹ.+ Kẹntọ ko và nulẹpo sudo to ofi wiwe lọ.+   Kẹntọ towe lẹ to gbigbó to sinsẹ̀n-basitẹn* towe.+ Yé ko ze ohia yetọn titi lẹ daga to finẹ.   Yewlẹ taidi sunnu he yí asiọvi do to zungbo daho de hò lẹ.   Yé ko yí asiọvi lẹ po ogànpò lẹ po do gbà anazọ́n he to adó etọn go+ lẹpo hányán.   Yé domiyọ́n fiwiwe towe.+ Yé hẹn gòhọtúntún he ji oyín towe te flu bo họ́ ẹ liai.   Yewlẹ po kúnkan yetọn po ko dọ to ayiha yetọn mẹ dọ: “Sinsẹ̀n-basitẹn Jiwheyẹwhe tọn* he to aigba lọ ji lẹpo wẹ dona yin mimẹ̀.”   Ohia depope ma tin he mí gán mọ; Yẹwhegán depope masọ tin ba, Mọ mẹdepope to mí mẹ ma yọ́n ojlẹ nẹmu he ehe na dẹn na. 10  Jiwheyẹwhe E, nawẹ e na dẹnsọ bọ mẹgbeyantọ na to mẹvlẹko?+ Be kẹntọ na nọ yí oyín towe zan po mẹmasi po kakadoi wẹ?+ 11  Naegbọn hiẹ do dọ̀n alọ towe, yèdọ adusilọ towe dogodo?+ De e sọn akọ́nnu* bo và yé sudo. 12  Ṣigba, Jiwheyẹwhe wẹ Ahọlu ṣie sọn ojlẹ dindẹn die, Yèdọ mẹhe nọ wazọ́n whlẹngán tọn lẹ to aigba ji.+ 13  Hiẹ yí huhlọn towe do wlu ohù;+ Hiẹ gbà ota nudazi lẹ tọn hányán to hùmẹ. 14  Hiẹ gídí ota Leviatani* tọn lẹ; Hiẹ yí i na gbẹtọ lẹ taidi núdùdù, yèdọ na mẹhe nọ nọ̀ danfafa ji lẹ. 15  Hiẹ hùn nùvo lẹ na asisa lẹ po tọ̀sisa lẹ po;+ Hiẹ hẹn tọ̀sisa he nọ to sisà tẹgbẹ lẹ hú.+ 16  Towe wẹ okle po ozán po. Hiẹ wẹ basi hinhọ́n po owhè po.+ 17  Hiẹ wẹ de dogbó lẹ na aigba;+ Hiẹ wẹ sọ wleawuna alunlun po avivọ-whenu po.+ 18  Jehovah E, flin vlẹko kẹntọ tọn, Lehe nulunọ lẹ nọ yí oyín towe zan po mẹmasi po do.+ 19  A jo ogbẹ̀* owhlé towe tọn do alọmẹ na gbekanlin lẹ blo. A wọn omẹ towe he yè to yasana lẹ kakadoi blo. 20  Flin alẹnu lọ, Na ofi dózin aigba tọn lẹ ko gọ́ na odò danuwatọ lẹ tọn. 21  Gbọ mẹhe yin kọgbidina ni ma lẹkọ po flumẹjijẹ po blo;+ Gbọ agbátọnọ po wamọnọ po ni nọ pà oyín towe.+ 22  Fọ́n, Jiwheyẹwhe E, yiavùnlọna dewe. Flin lehe nulunọ nọ to vivlẹ we kò to azán lọ pete ji do.+ 23  A wọn nuhe kẹntọ towe lẹ to didọ blo. Zingidi yé he nọ diọavunnukunsọ we lẹ tọn to agayi mapote.

Nudọnamẹ Odò Tọn

Pọ́n Zẹm.
To paa mẹ, “homẹgble towe do tì azọ̀.”
To paa mẹ, “pipli he.”
Kavi “plitẹn.”
Kavi “Fihe Jiwheyẹwhe nọ yin sinsẹ̀n te.”
Kavi “sọn yinyẹ́n awù towe tọn mẹ.”
Pọ́n Zẹm.
Kavi “alindọn.”