Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 73:1-28

NUHE E BẸHẸN LẸ

  • Pọndohlan omẹ jijọ-di-Jiwheyẹwhe tọn

    • “Afọ ṣie ko dibla fẹ́” (2)

    • ‘Tukla to azán lọ pete ji’ (14)

    • ‘Kaka n’do biọ fiwiwe Jiwheyẹwhe tọn’ (17)

    • Mẹylankan lẹ to aigba he dídí ji (18)

    • E yọ́n nado sẹpọ Jiwheyẹwhe (28)

Ohàn Asafi tọn.+ 73  Na nugbo tọn, Jiwheyẹwhe yọ́n na Islaeli taun, yèdọ na mẹhe wé-ṣeke to ahun mẹ lẹ.+   Na yẹn tọn, afọ ṣie ko dibla fẹ́; Afọ ṣie lẹ ko dibla dídí.+   Na n’jẹ awuwhàn goyitọ* lẹ ji To whenue n’mọ jijọho mẹylankan lẹ tọn.+   Na yé ma nọ mọ awufiẹsa de to okú yetọn whenu; Yé sọ tindo agbasalilo.*+   Yé ma nọ mọ tukla di gbẹtọvi he pò lẹ,+ Mọjanwẹ yé ma nọ jiya di mẹhe pò lẹ do niyẹn.+   Enẹwutu wẹ yé do yí sakla do basi kọnú yetọn;+ Yé sọ yí danuwiwa ṣinyọ́n di avọ̀.   Adọkun* yetọn nọ hẹn nukun yetọn lẹ tọ́n sọn apà mẹ; Nuhe yé bẹpli lẹ ko zẹ̀ nuhe ahun yetọn sọgan lẹn go.   Yé nọ ṣàn mẹdevo lẹ kò bo nọ to nuylankan lẹ dọ.+ Yé nọ gbọn goyiyi dali sìn-adán nado gbidikọnamẹ.+   Yé nọ dọho taidi dọ yé yiaga di olọn wẹ nkọ, Bo nọ to dindanpe to aigba ji bosọ nọ yí odẹ́ yetọn do to adán gblọn. 10  Enẹwutu, omẹ etọn lẹ lẹhlan yé dè, Bo nọ nù sọn osin susugege yetọn mẹ. 11  Yé dọmọ: “Nawẹ Jiwheyẹwhe wagbọn do yọnẹn?+ Be Gigogán lọ yọnẹn nugbonugbo wẹ?” 12  Mọwẹ, mẹylankan lẹ niyẹn, he onú nọ bọawuna to whepoponu.+ Adọkun yetọn nọ fọ́n bo nọ to jijideji.+ 13  E họnwun dọ, ovọ́ mẹ wẹ yẹn hẹn ahun ṣie do wiwe-ṣeke Bo klọ́ alọ ṣie lẹ wé to homẹvọ mẹ te.+ 14  Yẹn sọ nọ yin tuklado to azán lọ pete ji;+ Afọnnu lẹpo wẹ n’nọ yin yasana.+ 15  Ṣigba, eyin n’ko dọ onú ehelẹ wẹ, N’na ko de omẹ towe lẹ* hia. 16  Whenue n’tẹnpọn nado mọnukunnujẹemẹ, E vẹawuna mi taun 17  Kakajẹ whenue n’biọ fiwiwe gigonọ Jiwheyẹwhe tọn, Bo doayi sọgodo yetọn go. 18  Matin ayihaawe, aigba he dídí ji wẹ hiẹ ze yé do.+ Hiẹ hẹn yé nado jai biọ dindọn mẹ.+ 19  Lehe yé yin vivasudo to ajiji mẹ do sọ!+ Lehe yé wá opodo to ajiji mẹ bo dọ̀n po awuyiya po do sọ! 20  Jehovah E, yé taidi odlọ he yin winwọn to whenue mẹde fọ́n sọn amlọn mẹ, Whenue hiẹ fọ́n, a na de yé sẹ̀ sọn ayiha mẹ.* 21  Ṣigba, ahun ṣie jẹflumẹ,+ Bọ yẹn tindo awufiẹsa sinsinyẹn de to ohò* ṣie mẹ dọ́n. 22  Wuntuntun whèdo mi bọ yẹn masọ tindo nukunnumọjẹnumẹ; Yẹn taidi kanlin he ma nọ lẹnnupọn de to nukọn towe. 23  Ṣigba, yẹn tin to dè we to whepoponu todin; Hiẹ ko hẹn adusilọ ṣie go.+ 24  Hiẹ nọ yí ayinamẹ towe do deanana mi,+ Podọ to godo mẹ, hiẹ na plan mi biọ gigo mẹ.+ 25  Mẹdevo tẹwẹ yẹn sọ tindo to olọn mẹ? Yẹn masọ tindo ojlo na nudevo depope to aigba ji gbọnvona hiẹ.+ 26  Agbasalan ṣie po ahun ṣie po sọgan gboawupo, Ṣigba, Jiwheyẹwhe wẹ osé ahun ṣie tọn podọ mimá ṣie kakadoi.+ 27  Nugbo, yé mẹhe nọ nọla na we lẹ na dọ̀n. Hiẹ na và* mẹdepope he gbọn nugbonọ-mayin dali gbẹ́ we dai.+ 28  Ṣigba na yẹn tọn, e yọ́n na mi nado dọnsẹpọ Jiwheyẹwhe.+ Yẹn ko yí Oklunọ Nupojipetọ Jehovah do basi fibẹtado ṣie, Nado nọ lá azọ́n towe lẹpo.+

Nudọnamẹ Odò Tọn

Kavi “awagundotọ.”
Kavi “Adọ̀go yetọn klo.”
To paa mẹ, “Ojó.”
To paa mẹ, “whẹndo visunnu towe lẹ tọn.”
To paa mẹ, “a na vlẹ yé kò.”
To paa mẹ, “ayi.”
To paa mẹ, “bọnùdo na.”