Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 72:1-20

NUHE E BẸHẸN LẸ

  • Ahọlu Jiwheyẹwhe tọn dugán to jijọho mẹ

    • “Dodonọ na vùn” (7)

    • Mẹjidugando lẹ sọn ohù de kọ̀n jẹ devo kọ̀n (8)

    • Yin whinwhlẹn sọn danuwiwa mẹ (14)

    • Jinukun susugege to aigba ji (16)

    • Oyín Jiwheyẹwhe tọn na gbọṣi aimẹ (19)

Gando Sọlomọni go. 72  Jiwheyẹwhe E, plọn whẹdida towe lẹ ahọlu lọ, Bo hẹn visunnu ahọlu tọn nado yọ́n dodowiwa towe.+   Na ewọ ni nọ yí dodowiwa do dọ owhẹ̀ omẹ towe lẹ tọn, Bosọ yí whẹdida dodo do dọ owhẹ̀ agbátọnọ towe lẹ tọn.+   Na osó lẹ ni nọ hẹn jijọho wá na gbẹtọ lẹ, Okọ́ta lẹ nisọ nọ hẹn dodowiwa wá.   Gbọ e ni nọ yiavùnlọna* agbátọnọ he tin to gbẹtọ lẹ ṣẹnṣẹn, Gbọ e ni nọ whlẹn visunnu wamọnọ tọn lẹ, Podọ gbọ e ni nọ gbidi mẹhodutọ lọ.+   Yé na nọ dibusi we dile e na dẹnsọ bọ owhè na tin Podọ dile e na dẹnsọ bọ osun na tin, Yèdọ sọn whẹndo de mẹ jẹ devo mẹ.+   Ewọ na taidi jikun he nọ ja do ogbé sánpo lẹ ji, Taidi jikun ṣẹ́nṣẹ́n he nọ húsinna aigba.+   To azán etọn lẹ gbè, dodonọ na vùn,*+ Bọ jijọho na sudeji+ kakajẹ whenue osun ma na tin ba.   Mẹjidugando etọn lẹ na tin* sọn ohù de kọ̀n jẹ devo kọ̀n Podọ sọn Tọ̀sisa* lọ kọ̀n jẹ opodo aigba tọn lẹ.+   Mẹhe nọ nọ̀ danfafa ji lẹ na dẹ́ do odò to nukọn etọn, Kẹntọ etọn lẹ nasọ didọ́ kọ́gudu.+ 10  Ahọlu Talṣiṣi tọn po lopo lẹ po tọn lẹ na nọ sú takuẹ na ẹn.+ Ahọlu Ṣeba po Seba po tọn lẹ na nọ hẹn nunina lẹ wá na ẹn.+ 11  Ahọlu lẹpo wẹ na nọ dẹ́ do odò to nukọn etọn, Bọ akọta lẹpo na nọ sẹ̀n ẹn. 12  Na ewọ na nọ whlẹn wamọnọ he to awhádo na alọgọ, Gọna agbátọnọ po mẹdepope he ma tindo alọgọtọ po. 13  Ewọ na nọ wàlẹblanuna agbátọnọ po wamọnọ po, Bo nasọ nọ whlẹn ogbẹ̀* wamọnọ lẹ tọn gán. 14  E na nọ whlẹn yé* sọn kọgbidinamẹ po danuwiwa po mẹ, Bọ ohùn yetọn na yin nuhọakuẹ to nukun etọn mẹ. 15  Gbọ ewọ ni nọgbẹ̀ dẹn, na sika Ṣeba tọn lẹ ni yin nina ẹn.+ Na odẹ̀ ni nọ yin hihò do ota etọn mẹ whepoponu, Podọ, na ewọ ni nọ yin didona to azán lọ pete ji. 16  Jinukun susugege na tin to aigba ji;+ E na gọfla to osó lẹ ji aga. Sinsẹ́n etọn na sù taidi to Lẹbanọni,+ Podọ to tòdaho lẹ mẹ, gbẹtọ lẹ na sù taun di ogbé.+ 17  Gbọ oyín etọn ni gbọṣi aimẹ kakadoi,+ Na e ni tindo kọdetọn dagbe dile e na dẹnsọ bọ owhè na tin. Gbọ gbẹtọ lẹ ni mọ dona yí na yede gbọn ewọ gblamẹ;+ Na akọta lẹpo ni nọ ylọ ẹ dọ ayajẹnọ. 18  Na Jehovah Jiwheyẹwhe ni yin pipà, yèdọ Jiwheyẹwhe Islaeli tọn,+ Mẹdopo akàn lọ he nọ wà nujiawu lẹ.+ 19  Na oyín gigonọ etọn ni yin pipà kakadoi,+ Podọ na gigo etọn ni gọ́ aigba pete ji.+ Niṣẹ podọ Niṣẹ. 20  Ehe wẹ hẹn odẹ̀ Davidi visunnu Jẹsse tọn lẹ wá vivọnu.+

Nudọnamẹ Odò Tọn

To paa mẹ, “dawhẹna.”
To paa mẹ, “tọ́nkun.”
Kavi “Ewọ na dugán.”
Enẹ wẹ, Euflate.
Kavi “alindọn.”
Kavi “nọ fli alindọn yetọn gọ̀.”