Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 71:1-24

NUHE E BẸHẸN LẸ

  • Jidide yọnhonọ lẹ tọn

    • Jidide do Jiwheyẹwhe go sọn jọja whenu (5)

    • “Whenue huhlọn ṣie depò” (9)

    • ‘Jiwheyẹwhe ko plọn mi sọn jọja whenu’ (17)

71  Jehovah E, hiẹ mẹ wẹ yẹn dín fibẹtado te. A dike n’duwinyan gbede blo.+   To dodowiwa towe mẹ, whlẹn mi bo tún mi dote. Lẹ́ otó towe* hlan mi bo whlẹn mi.+   Lẹzun osé gángán de na mi Fie yẹn sọgan nọ họ̀n biọ to whepoponu. Degbe, na yẹn nido yin whinwhlẹn, Na hiẹ wẹ awinyan po figángán ṣie po.+   Jiwheyẹwhe ṣie E, whlẹn mi sọn alọ mẹylankan tọn mẹ,+ Sọn alọ mẹhe to kọgbidina mi to aliho mawadodo tọn mẹ lọ tọn mẹ.   Na hiẹ wẹ todido ṣie, Oklunọ Nupojipetọ Jehovah E; Hiẹ go wẹ yẹn dejido* sọn jọja whenu ṣie gbọ́n.+   Yẹn ko ganjẹ gowe sọn jiji whenu; Hiẹ wẹ de mi sọn ohò onọ̀ ṣie tọn mẹ.+ Yẹn nọ pà we to whepoponu.   Mẹsusu wẹ mọ nuhe jọ do go e bọ awuji yé, Ṣigba, hiẹ wẹ fibẹtado gángán de na mi.   Onù ṣie gọ́ na pipà towe;+ Yẹn nọ to hodọ gando whanpẹ daho towe go to azán lọ pete ji.   A tùn mi dlan to yọnhowhe ṣie mẹ blo;+ A gbẹ́ mi dai to whenue huhlọn ṣie depò blo.+ 10  Kẹntọ ṣie lẹ nọ dọho jẹagọdo mi, Bọ mẹhe to okú ṣie* dín lẹ nọ nọpọ́ do blasé do go e,+ 11  Dọmọ: “Jiwheyẹwhe ko gbẹ́ ẹ dai. Mì gbọ mí ni yangbé etọn bo wle e, na mẹdepope ma na whlẹn ẹn.”+ 12  Jiwheyẹwhe E, a dẹn do mi blo. Jiwheyẹwhe ṣie E, yawu wá gọalọna mi.+ 13  Na mẹhe to nukundiọsọ mi* lẹ Ni duwinyan bo dọ̀n.+ Na mẹhe to nugbajẹmẹji ṣie dín lẹ Ni mọ winyan bo jẹflumẹ pete.+ 14  Ṣigba na yẹn tọn, yẹn na to tepọn we zọnmii; Yẹn na nọ yidogọna pipà towe. 15  Onù ṣie na nọ dọho dodowiwa towe tọn,+ Yèdọ azọ́n whlẹngán tọn towe lẹ, to azán lọ pete ji, Dile etlẹ yindọ yé sù taun bọ yẹn ma sọgan yọ́n popo.*+ 16  Yẹn na wá bo dọho gando azọ́n huhlọnnọ towe lẹ go, Oklunọ Nupojipetọ Jehovah E; Yẹn na nọ donù dodowiwa towe go, yèdọ towe kẹdẹ. 17  Jiwheyẹwhe E, hiẹ ko plọn mi sọn jọja whenu ṣie gbọ́n,+ Podọ kakajẹ din, yẹn gbẹ́ to azọ́njiawu towe lẹ lá.+ 18  Jiwheyẹwhe E, eyin n’tlẹ poyọnho bo wú owhà, a gbẹ́ mi dai blo.+ Gbọ yẹn ni dọho gando huhlọn* towe go na whẹndo he bọdego Podọ gando hlọnhlọn towe go na kúnkan he ja lẹpo.+ 19  Jiwheyẹwhe E, dodowiwa towe yiaga taun;+ Hiẹ ko wà onú daho lẹ; Jiwheyẹwhe E, mẹnu wẹ taidi hiẹ?+ 20  Dile etlẹ yindọ hiẹ ko hẹn mi nado tindo numimọ ayimajai po nugbajẹmẹji susu po tọn,+ Vọ́ huhlọn na mi; De mi tọ́n sọn odò he siso* mẹ.+ 21  Hẹn mi tindo yẹyi dogọ Bo lẹdo mi bosọ miọnhomẹna mi. 22  Whenẹnu, yẹn na nọ yí hànjinu okànnọ do pà we, Na nugbonọ-yinyin towe wutu, Jiwheyẹwhe ṣie E.+ Yẹn na nọ yí ajalẹn do jihàn pipà tọn lẹ hlan we, Hiẹ Omẹ Wiwe Islaeli tọn E. 23  Nùflo ṣie lẹ na yí ayajẹ do dawhá dile yẹn to ohàn pipà tọn lẹ ji hlan we,+ Na hiẹ ko whlẹn ogbẹ̀ ṣie.*+ 24  Odẹ́ ṣie na nọ dọho gando* dodowiwa towe go to azán lọ pete ji,+ Na mẹhe to vasudo ṣie dín lẹ na duwinyan bo jẹflumẹ.+

Nudọnamẹ Odò Tọn

Kavi “Dẹ́ hlan odò bo dotoai.”
Kavi “Hiẹ wẹ jidide ṣie.”
Kavi “alindọn ṣie.”
Kavi “alindọn ṣie.”
Kavi “sọha yetọn.”
To paa mẹ, “awà.”
Kavi “sọn osin daho-gbó lẹ.”
Kavi “ko fli alindọn ṣie gọ̀.”
Kavi “lẹnayihamẹpọn do.”