Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 7:1-17

NUHE E BẸHẸN LẸ

  • Jehovah wẹ Whẹdatọ dodonọ

    • “Jehovah E, dawhẹna mi” (8)

Avihàn* Davidi tọn he e ji hlan Jehovah gando ohó he Kuṣi Bẹnjamininu lọ dọ lẹ go. 7  Jehovah Jiwheyẹwhe ṣie E, hiẹ mẹ wẹ yẹn dín fibẹtado te.+ Whlẹn mi sọn alọ mẹhe to homẹkẹndo mi lẹpo tọn mẹ bo tún mi dote.+   E ma yinmọ, yé na tlẹ́n mi* do flinflin dile kinnikinni nọ wà do,+ Bo na dọ̀n mi yì matin whlẹngántọ depope.   Jehovah Jiwheyẹwhe ṣie E, eyin vlavo yẹn ko wanuyindo to whẹho ehe mẹ, Eyin yẹn ko yinuwa to aliho mawadodo tọn mẹ,   Eyin yẹn ko yí oylan do suahọ mẹhe to dagbe wà na mi,+ Kavi eyin yẹn ko hò nutindo kẹntọ ṣie tọn yí matin whẹwhinwhẹ́n depope,   To whenẹnu, gbọ kẹntọ ni dómọna mi bo wle mi;* Gbọ e ni tùnafọ ji e to kọmẹ Bo de yẹyi sọn go e to kọ́gudu mẹ. (Sela)   Jehovah E, fọ́n to homẹgble towe mẹ; Ṣite sọta adánjijẹ kẹntọ ṣie lẹ tọn;+ Fọ́n wá gọalọna mi bo hẹn ẹn diun dọ whẹdida dodo yin hinhẹnṣẹ.+   Gbọ akọta lẹ ni lẹdo we pé; Hiẹ nasọ yinuwa sọta yé sọn oji aga.   Jehovah na dawhẹna gbẹtọ lẹ.+ Jehovah E, dawhẹna mi sọgbe hẹ dodowiwa ṣie Podọ sọgbe hẹ tenọgli ṣie.+   Jaale, doalọtena ylanwiwa mẹylankan lẹ tọn. Ṣigba, hẹn dodonọ lodo,+ Na hiẹ wẹ Jiwheyẹwhe dodonọ lọ+ he nọ dindona ahun+ po numọtolanmẹ sisosiso lẹ po.*+ 10  Jiwheyẹwhe wẹ awọ̀yinu ṣie,+ yèdọ Whlẹngántọ ahunjijlọnọ lẹ tọn.+ 11  Whẹdatọ dodonọ de wẹ Jiwheyẹwhe,+ Podọ egbesọegbesọ wẹ Jiwheyẹwhe nọ lá whẹdida etọn lẹ.* 12  Eyin mẹde ma lẹnvọjọ,+ Ewọ nọ gàn ohí etọn;+ E nọ dlẹn ogá etọn bo nọ wleawuna ẹn dote.+ 13  Ewọ nọ wleawuna awhànfunnu mẹvasudo tọn etọn lẹ; E nọ wleawu ogá miyọ́nnọ etọn lẹ tọn dai.+ 14  Pọ́n mẹlọ he mọhò kanyinylan tọn; E mọhò tukla tọn bo ji lalo.+ 15  E kùn odò de bọ e siso, Ṣigba, ewọ lọsu wẹ flẹ jẹ odò he e kùn lọ mẹ.+ 16  Tukla he e fọndote na lẹkọwa ota etọn titi ji;+ Danuwiwa etọn na gọwá ahọ̀ndòmẹ etọn titi. 17  Yẹn na pà Jehovah na whẹdida dodo etọn;+ Yẹn na jihàn pipà tọn lẹ do pà oyín Jehovah+ Gigogán lọ+ tọn.

Nudọnamẹ Odò Tọn

Kavi “Ohàn aluẹmẹninọ tọn.”
Kavi “alindọn ṣie.”
Kavi “alindọn ṣie.”
Kavi “nọ whlé ahun po ayi po pọ́n.”
Kavi “nọ túntún whẹgbledomẹ lẹ jẹgbonu.”