Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 67:1-7

NUHE E BẸHẸN LẸ

  • Opodo aigba tọn na nọ dibusi Jiwheyẹwhe

    • Yè dona yọ́n aliho Jiwheyẹwhe tọn (2)

    • ‘Mẹlẹpo ni pà Jiwheyẹwhe’ (3, 5)

    • “Jiwheyẹwhe na nọ dona mí” (6, 7)

Na anademẹtọ hànjitọ lẹ tọn; ni yin jiji po hànjinu okànnọ lẹ po. Ohàn de. 67  Jiwheyẹwhe na nọ do nukundagbe hia mí bo na nọ dona mí; Ewọ na nọ hẹn nukunmẹ etọn sẹ́ do mí ji+ (Sela)   Na aliho towe nido yin yinyọnẹn lẹdo aihọn pé,+ Bọ azọ́n whlẹngán tọn towe lẹ na yin yinyọnẹn to akọta lẹpo ṣẹnṣẹn.+   Jiwheyẹwhe E, gbọ gbẹtọ lẹ ni nọ pà we; Gbọ gbẹtọ lẹpo ni nọ pà we.   Gbọ akọta lẹ ni jaya bo yí ayajẹ do dawhá,+ Na hiẹ na dawhẹ jijlọ na gbẹtọ lẹ.+ Hiẹ na nọ deanana akọta aigba ji tọn lẹ. (Sela)   Jiwheyẹwhe E, gbọ gbẹtọ lẹ ni nọ pà we; Gbọ gbẹtọ lẹpo ni nọ pà we.   Aigba na nọ de sinsẹ́n etọn tọ́n;+ Jiwheyẹwhe, yèdọ Jiwheyẹwhe mítọn, na nọ dona mí.+   Jiwheyẹwhe na nọ dona mí, Podọ opodo aigba tọn lẹpo wẹ na nọ dibusi i.*+

Nudọnamẹ Odò Tọn

Kavi “gbògbéna ẹn.”