Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 66:1-20

NUHE E BẸHẸN LẸ

  • Azọ́n Jiwheyẹwhe tọn lẹ jiawu

    • “Pọ́n azọ́n Jiwheyẹwhe tọn lẹ” (5)

    • ‘N’na de opà he n’do na we lẹ’ (13)

    • Jiwheyẹwhe nọ sè odẹ̀ (18-20)

Na anademẹtọ hànjitọ lẹ tọn. Ohàn de. 66  Mì dawhá awhàngbigba tọn hlan Jiwheyẹwhe, mì aigba lẹpo emi.+   Mì jihàn pipà tọn lẹ do pà oyín gigonọ etọn. Mì na ẹn gigo po pipà po.+   Mì dọna Jiwheyẹwhe dọ: “Lehe azọ́n towe lẹ jiawu do sọ!+ Kẹntọ towe lẹ na nọ sisọ to nukọn towe, Na huhlọn daho towe wutu.+   Aigba lẹpo wẹ na nọ dẹ́ do odò na we;+ Yé na nọ jihàn pipà tọn lẹ hlan we; Yé na nọ jihàn pipà tọn lẹ do pà oyín towe.”+ (Sela)   Mì wá pọ́n azọ́n Jiwheyẹwhe tọn lẹ, Nuhe e wà na gbẹtọvi lẹ jiawu taun.+   E diọ ohù zun aigba húhú;+ Yé jugbọn otọ̀ ṣẹnṣẹn po afọ po.+ Míwlẹ sọ jaya to ewọ mẹ to finẹ.+   Ewọ dugán kakadoi+ gbọn huhlọn etọn dali. Nukun etọn lẹ tin to akọta lẹ ji.+ Mẹhe yin tasinyẹntọ lẹ ni ma ze yede daga blo.+ (Sela)   Mì pà Jiwheyẹwhe mítọn, mì gbẹtọ lẹ emi,+ Bosọ gbọ awhágbe pipà etọn tọn ni yin sisè.   Ewọ wẹ pò mí dogbẹ̀;*+ E ma nọ dike afọ mítọn ni fẹ́.*+ 10  Na hiẹ ko dindona mí, Jiwheyẹwhe E;+ Dile yè nọ klọ́ fataka wé do, mọ wẹ hiẹ ko klọ́ mí wé do. 11  Hiẹ hẹn mí biọ odọ̀ de mẹ; Hiẹ sọ doagban pinpẹn de do mí ji.* 12  Hiẹ na dotẹnmẹ gbẹtọ tata nado dugán do mí ji;* Mí jugbọn miyọ́n po osin po mẹ; Enẹgodo, hiẹ hẹn mí wá nọtẹn kọfanamẹ tọn de. 13  Yẹn na hẹn avọ́nunina mimẹ̀ blebu lẹ wá ohọ̀ towe mẹ;+ Yẹn na de opà he n’do na we lẹ+ 14  Ehe yẹn ko yí nùflo ṣie do dó hlan we lẹ+ Podọ dehe onù ṣie ko dopagbe etọn to whenue n’to ayimajai mẹ lẹ. 15  Yẹn na yí kanlin dojó lẹ do basi avọ́nunina mimẹ̀ lẹ hlan we Gọna azọ̀ agbò he yin yíyí do sanvọ́ lẹ tọn. Yẹn na yí oyìnsú lẹ po gbọgbọẹ asu lẹ po do sanvọ́. (Sela) 16  Mì wá bo dotoai, mì mẹhe nọ dibusi Jiwheyẹwhe lẹpo emi, Yẹn nasọ dọ nuhe ewọ ko wà na mi* lẹ na mì.+ 17  Yẹn yí onù ṣie do dawhá ylọ ẹ Bosọ yí odẹ́ ṣie do pagigona ẹn. 18  Eyin n’ko whlá oylan depope do ahun ṣie mẹ wẹ, Jehovah ma na ko sè awhágbe ṣie.+ 19  Ṣigba, Jiwheyẹwhe sè awhágbe ṣie;+ Ewọ na ayidonugo odẹ̀ ṣie.+ 20  Yẹn na nọ pagigona Jiwheyẹwhe, mẹhe ma gbẹ́ odẹ̀ ṣie dai Kavi tẹ̀ owanyi nugbo etọn mi.

Nudọnamẹ Odò Tọn

Kavi “hẹn alindọn mítọn dogbẹ̀.”
Kavi “mùsà; dahli.”
To paa mẹ, “do alìn mítọn ji.”
To paa mẹ, “do ota mítọn.”
Kavi “alindọn ṣie.”