Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 64:1-10

NUHE E BẸHẸN LẸ

  • Hihọ́ sọta mẹgbeyinyan sọn nuglọ

    • “Jiwheyẹwhe na de ogá do yé” (7)

Na anademẹtọ hànjitọ lẹ tọn. Ohàn Davidi tọn. 64  Jiwheyẹwhe E, sè ogbè ṣie dile yẹn to vivẹ̀ we.+ Basi hihọ́na ogbẹ̀ ṣie sọn budonamẹ kẹntọ tọn si.   Whlẹn mi sọn sébibla nuglọ tọn mẹylankan lẹ tọn mẹ,+Yèdọ sọn agundaho ylanwatọ lẹ tọn si.   Yé nọ gàn odẹ́ yetọn taidi ohí de;Yé sọ nọ wleawuna hogbe whánsọmẹ tọn yetọn lẹ taidi ogába lẹ,   Nado de yé do homẹvọnọ, sọn fiwhiwhlá yetọn lẹ;Yé nọ de yé do e to ajiji mẹ bọ obu ma nọ di yé.   Yé nọ tẹdo linlẹn ylankan yetọn go;*Yé nọ to hodọdo lehe yé na ze omọ̀ yetọn lẹ whlá do ji. Yé nọ dọmọ: “Mẹnu wẹ na mọ yé?”+   Yé nọ dín aliho yọyọ lẹ nado waylan;Yé nọ kàn ayiha wintinwintin yetọn lẹ to nuglọ;+Linlẹn he to ahun dopodopo yetọn tọn mẹ siso taun.   Ṣigba, Jiwheyẹwhe na de ogá do yé;+Ogába de na gbleawuna yé to ajiji mẹ.   Odẹ́ yetọn titi wẹ na hẹn aijijẹ yetọn wá;+Mẹhe to yé pọ́n lẹpo wẹ na mimí ota.   To whenẹnu, obu na jẹ mẹlẹpo ji,Yé nasọ lá nuhe Jiwheyẹwhe ko wà lẹ,Bo na mọnukunnujẹ nuyiwa etọn lẹ mẹ.+ 10  Dodonọ na nọ jaya to Jehovah mẹ bo na nọ dín fibẹtado to ewọ mẹ;+Ahunjijlọnọ lẹpo wẹ na nọ jẹaglin.*

Nudọnamẹ Odò Tọn

Kavi “Yé nọ na tuli ode awetọ nado waylan.”
Kavi “doawagun.”