Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 63:1-11

NUHE E BẸHẸN LẸ

  • Tindo ojlo vẹkuvẹku na Jiwheyẹwhe

    • “Owanyi nugbo towe pọnte hú ogbẹ̀” (3)

    • ‘Dù adà he yọ́n hugan gọ́ho’ (5)

    • Ayihamẹlẹnpọn do Jiwheyẹwhe ji (6)

    • ‘N’tẹdo Jiwheyẹwhe go’ (8)

Ohàn Davidi tọn, to whenue e tin to danfafa Juda tọn ji.+ 63  Jiwheyẹwhe E, hiẹ wẹ Jiwheyẹwhe ṣie, hiẹ wẹ yẹn to dindin mapote.+ Nugbla towe to hùhù mi.*+ Ojlo vẹkuvẹku he n’tindo na we to hinhẹn mi* dakú To aigba-klo he hú taun de ji, fie osin ma tin te.+   Enẹwutu, yẹn ko pọ́n we hlan to ofi wiwe lọ; N’ko mọ huhlọn towe po gigo towe po.+   Na owanyi nugbo towe pọnte hú ogbẹ̀ wutu,+ Nùflo ṣie lẹ na nọ pagigona we.+   Mọ wẹ yẹn na nọ pà we do to gbẹwhenu ṣie pete; Yẹn na nọ dlẹnalọ ṣie lẹ daga, to oyín towe mẹ.   N’nọ* dù adà dagbe he yọ́n hugan lọ* gọ́ho, Enẹwutu, yẹn na nọ yí onù ṣie do pà we po ayajẹ po.+   N’nọ flin we to adọzan ṣie ji; Yẹn nọ lẹnayihamẹpọn gando gowe to zánhomẹ.+   Na hiẹ wẹ alọgọtọ ṣie,+ Yẹn sọ nọ yí ayajẹ do dawhá to oyẹ̀ awà towe lẹ tọn glọ.+   Yẹn* tẹdo gowe pẹkipẹki; Adusilọ towe hẹn go e gligli.+   Ṣigba, yé mẹhe to tintẹnpọn nado hù mi* lẹ Na jẹte yì odò he siso mẹ. 10  Yé na yin huhusudo gbọn ohí dali; Yé na lẹzun núdùdù na avún gbémẹ tọn* lẹ. 11  Ṣigba, ahọlu lọ na nọ jaya to Jiwheyẹwhe mẹ. Mẹdepope he nọ whlé gbọn Ewọ dali na nọ jẹaglin,* Na yè na bọnùdo na mẹhe nọ dolalo lẹ.

Nudọnamẹ Odò Tọn

Kavi “alindọn ṣie.”
Kavi “agbasalan ṣie.”
Kavi “Alindọn ṣie nọ.”
To paa mẹ, “dù ojó po ofi dojó lọ po.”
Kavi “Alindọn ṣie.”
Kavi “alindọn ṣie.”
Kavi “wọtupọẹ.”
Kavi “doawagun.”