Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 62:1-12

NUHE E BẸHẸN LẸ

  • Jiwheyẹwhe dè wẹ whlẹngán nọ wá sọn

    • “Yẹn na nọte whii pọ́n Jiwheyẹwhe” (1, 5)

    • “Mì nọ hùn ahun mìtọn na ẹn” (8)

    • Gbọfufu tata wẹ gbẹtọvi lẹ (9)

    • Mì dejido adọkun go blo (10)

Na anademẹtọ hànjitọ lẹ tọn; to Jedutuni* ji. Ohàn Davidi tọn. 62  Na nugbo tọn, yẹn* na nọte whii pọ́n Jiwheyẹwhe. Ewọ dè wẹ whlẹngán ṣie nọ wá sọn.+   Na nugbo tọn, ewọ wẹ osé po whlẹngántọ ṣie po, yèdọ fibẹtado he tindo hihọ́* de na mi;+ Yẹn ma na yin tẹnsẹna po huhlọn po gbede.+   Nawẹ e na dẹnsọ bọ mìwlẹ na to ogbé mẹde tọn yàn nado sọgan hù i?+ Mìmẹpo wẹ yin owùnu kẹdẹdi adó he to adà ji de, yèdọ adó zannu tọn he jlo na họ́.*   Na yé nọ dewé dopọ nado de e sẹ̀ sọn otẹn yiaga* etọn mẹ; Yé nọ mọ awuvivi to lalodido mẹ. Yé nọ yí onù yetọn do donamẹ, ṣigba bo nọ to dẹ̀hodomẹ to ohò yetọn mẹ.+ (Sela)   Na nugbo tọn, yẹn na nọte whii* pọ́n Jiwheyẹwhe,+ Na ewọ mẹ wẹ todido ṣie te.+   Na nugbo tọn, ewọ wẹ osé po whlẹngántọ ṣie po, yèdọ fibẹtado he tindo hihọ́ de na mi; Yẹn ma na yin tẹnsẹna gbede.+   Jiwheyẹwhe dè wẹ whlẹngán po gigo ṣie po nọ wá sọn. Jiwheyẹwhe wẹ osé gángán po fibẹtado ṣie po.+   Mì gbẹtọ lẹ emi, mì nọ dejido ewọ go to whepoponu. Mì nọ hùn ahun mìtọn na ẹn.+ Jiwheyẹwhe wẹ fibẹtado mítọn.+ (Sela)   Gbọfufu tata de poun wẹ gbẹtọvi lẹ yin, Yèdọ odlọ de poun.+ Eyin yé yin bibẹ dopọ do nujlẹgàn ji, yé nọ fua hú gbọfufu tata.+ 10  Mì ganjẹ alọslonamẹ go blo Kavi ze todido ovọ́ do ajojijẹ mẹ blo. Eyin adọkun mìtọn tlẹ jideji, mì ze ayiha mìtọn do e ji blo.+ 11  Jiwheyẹwhe ko dọho whladopo, podọ whla awe wẹ yẹn ko sè ehe: Dọ Jiwheyẹwhe tọn wẹ huhlọn.+ 12  Mọdopolọ, towe wẹ owanyi nugbo, Jehovah E,+ Na hiẹ nọ suahọ mẹdopodopo sọgbe hẹ nuyiwa etọn lẹ.+

Nudọnamẹ Odò Tọn

Pọ́n Zẹm.
Kavi “alindọn ṣie.”
Kavi “ofi yiaga he tindo hihọ́.”
Kavi vlavo, “Mìmẹpo, taidi dọ ewọ yin adó he to adà ji de wẹ nkọ, yèdọ adó zannu tọn he jlo na họ́ de.”
Kavi “yẹyi.”
Kavi “alindọn ṣie E, nọte whii.”