Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 61:1-8

NUHE E BẸHẸN LẸ

  • Jiwheyẹwhe, atọ̀họ̀ gángán sọta kẹntọ

    • ‘N’na nọ gòhọ towe mẹ’ (4)

Na anademẹtọ hànjitọ lẹ tọn; ni yin jiji po hànjinu okànnọ lẹ po. Ohàn Davidi tọn. 61  Jiwheyẹwhe E, sè awhágbe ṣie na alọgọ. Na ayidonugo odẹ̀ ṣie.+   Yẹn na nọ dawhá ylọ we sọn opodo aigba tọn lẹ To whenue ahun ṣie jẹflumẹ.*+ Plan mi yì osé he yiaga hugan mi de ji.+   Na hiẹ wẹ fibẹtado ṣie, Yèdọ atọ̀họ̀ gángán he nọ basi hihọ́na mi sọta kẹntọ.+   Yẹn na yin jonọ to gòhọ towe mẹ kakadoi;+ Yẹn na nọ dín fibẹtado to oyẹ̀ awà towe lẹ tọn glọ.+ (Sela)   Na hiẹ, Jiwheyẹwhe E, hiẹ ko sè opà he yẹn do lẹ. Hiẹ ko na mi ogú he mẹhe dibusi oyín towe lẹ nọ mọyi.+   Hiẹ na na ogbẹ̀* gaa ahọlu lọ,+ Ewọ nasọ nọgbẹ̀ na owhe susu sọn whẹndo de mẹ jẹ devo mẹ.   Ewọ na sin* ofìn ji to Jiwheyẹwhe nukọn kakadoi;+ Do owanyi nugbo po nugbonọ-yinyin po hia ẹ, na ehelẹ nido nọ basi hihọ́na ẹn.+   To whenẹnu, yẹn na nọ jihàn pipà tọn lẹ do pà oyín towe kakadoi+ Dile yẹn na to opà ṣie lẹ de egbesọegbesọ.+

Nudọnamẹ Odò Tọn

Kavi “gbọjọ.”
To paa mẹ, “azán.”
Kavi “nọ nọ̀.”