Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 60:1-12

NUHE E BẸHẸN LẸ

  • Jiwheyẹwhe duto kẹntọ lẹ ji

    • Ovọ́ wẹ whlẹngán sọn gbẹtọvi lẹ dè (11)

    • “Jiwheyẹwhe wẹ na na mí huhlọn” (12)

Na anademẹtọ hànjitọ lẹ tọn; sọgbe hẹ nuhiho he nọ yin “Vounvoun Nuflinmẹ Tọn.” Miktami.* Ohàn Davidi tọn. Na mẹpinplọn. Whenue e hoavùn hẹ Alami-nahalaimi po Alami-Zoba po, bọ Joabi lẹkọ bo hù Edominu 12 000 to Agbàdo Ojẹ̀ tọn mẹ.+ 60  Jiwheyẹwhe E, hiẹ ko gbẹ́ mí dai; hiẹ ko gbà mí do,+ Hiẹ ko gblehomẹ do mí go; ṣigba todin, gọ̀ mí yí!   Hiẹ ko hẹn aigba nado sisọ; hiẹ ko sọ kẹ̀ ẹ do nùvo. Vọ́ fie zẹ̀ lọ lẹ jlado, na e to hihọ́.   Hiẹ ko hẹn omẹ towe lẹ nado jiya ninọmẹ sinsinyẹn tọn. Hiẹ ko hẹn mí nù ovẹn bọ e mú mí.+   Na* ohia de mẹhe nọ dibusi we lẹ, Na yé nido họ̀n bo vì na ogába lọ. (Sela)   Yí adusilọ towe do whlẹn mí bo siọ mí, Na mẹyiwanna towe lẹ nido yin whinwhlẹngán.+   Jiwheyẹwhe ko dọho to wiwe-yinyin* etọn mẹ dọmọ: “Yẹn na jẹaglin, yẹn na ze Ṣekẹmi jo taidi ogú de,+ Podọ yẹn na jlẹ gbigblo Agbàdo Sukoti tọn.+   Ṣie wẹ Giliadi, kẹdẹdile Manasse yin ṣie do,+ Eflaimi wẹ ogangbakun* he to ota na mi; Juda wẹ yin ogánpò ṣie.+   Moabi wẹ basia he mẹ yẹn nọ klọ́nu te.+ Yẹn na dlan afọpa ṣie do Edomi ji.+ Yẹn nasọ dawhá awhàngbigba tọn do Filisti ji.”+   Mẹnu wẹ na plan mi yì tòdaho he yè dosla lẹdo* lọ mẹ? Mẹnu wẹ na plan mi kaka yì Edomi?+ 10  Be e ma yin hiẹ Jiwheyẹwhe he ko gbẹ́ mí dai wẹ, Yèdọ hiẹ, Jiwheyẹwhe mítọn he masọ nọ tọ́nyi hẹ awhànpa mítọn lẹ ba?+ 11  Gọalọna mí to ayimajai mítọn mẹ, Na ovọ́ wẹ whlẹngán he nọ wá sọn gbẹtọvi dè.+ 12  Jiwheyẹwhe wẹ na na mí huhlọn,+ Ewọ nasọ tùnafọ kẹntọ mítọn lẹ ji.+

Nudọnamẹ Odò Tọn

Pọ́n Zẹm.
Kavi vlavo, “Hiẹ ko na.”
Kavi vlavo, “to ofi wiwe.”
To paa mẹ, “fibẹtado.”
Kavi vlavo, “tòdaho gángán.”