Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 57:1-11

NUHE E BẸHẸN LẸ

  • Nukundagbe bibiọ

    • Fibẹtado to awà Jiwheyẹwhe tọn lẹ glọ (1)

    • Kẹntọ lẹ jẹ omọ̀ yetọn titi mẹ (6)

Na anademẹtọ hànjitọ lẹ tọn; sọgbe hẹ nuhiho he nọ yin “A Hù Mi Sudo Blo.” Ohàn Davidi tọn. Miktami.* Whenue e họ̀nna Sauli biọ oslò mẹ.+ 57  Do nukundagbe hia mi, Jiwheyẹwhe E, do nukundagbe hia mi, Na hiẹ mẹ wẹ n’nọ* dín fibẹtado te,+ Podọ oyẹ̀ awà towe lẹ tọn glọ wẹ n’nọ dín fibẹtado te kakajẹ whenue nuhahun lẹ ko juwayi.+   Yẹn nọ dawhá ylọ Jiwheyẹwhe, Gigogán lọ, Yèdọ hlan Jiwheyẹwhe nugbo lọ he nọ doalọtena yé na mi.   Ewọ na do alọgọ hlan sọn olọn mẹ bo na whlẹn mi.+ Ewọ na hẹn mẹhe to ogbé ṣie yàn jẹflumẹ. (Sela) Jiwheyẹwhe na do owanyi nugbo po nugbonọ-yinyin etọn po hia.+   Yẹn* yin lilẹdope gbọn kinnikinni lẹ dali;+ Yẹn to dandannu glọ nado nọ mlọnai to mẹhe jlo na tlẹ́n mi dù lẹ ṣẹnṣẹn, Mẹhe adú yetọn lẹ taidi owhán po ogá lẹ po Bọ odẹ́ yetọn taidi ohí didá de.+   Jiwheyẹwhe E, hiẹ ni yin zizedaga hú olọn lẹ; Na gigo towe ni dlẹnkan jẹ aigba lẹpo ji.+   Yé ko tá odọ̀ de dai na afọ ṣie lẹ;+ Ayimajai ko hẹn mi* dẹ́ do odò.+ Yé ko kùndò dai donukọnna mi, Ṣigba, yelọsu wẹ flẹ jẹ e mẹ.+ (Sela)   Ahun ṣie nọte gligli, Jiwheyẹwhe E,+ Ahun ṣie nọte gligli. Yẹn na jihàn bo pà we.   Fọ́n, hiẹ gigo ṣie. Fọ́n, hànjinu okànnọ E; podọ hiẹ lọsu, ajalẹn E. Yẹn na fọ́n to afọnnu fuu.+   Yẹn na nọ pà we to gbẹtọ lẹ ṣẹnṣẹn, Jehovah E;+ Yẹn na nọ jihàn pipà tọn lẹ hlan we to akọta lẹ ṣẹnṣẹn.+ 10  Na owanyi nugbo towe klo, bo yiaga di olọn,+ Podọ nugbonọ-yinyin towe yiaga jẹ jiwhé. 11  Jiwheyẹwhe E, hiẹ ni yin zizedaga hú olọn lẹ; Na gigo towe ni dlẹnkan jẹ aigba lẹpo ji.+

Nudọnamẹ Odò Tọn

Pọ́n Zẹm.
Kavi “alindọn ṣie nọ.”
Kavi “Alindọn ṣie.”
Kavi “alindọn ṣie.”