Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 56:1-13

NUHE E BẸHẸN LẸ

  • Odẹ̀ to whenue yè to homẹkẹndomẹ

    • “Jiwheyẹwhe go wẹ yẹn dejido” (4)

    • “Kọ̀n dasin ṣie lẹ do ayúgò towe mẹ” (8)

    • “Etẹwẹ gbẹtọ tata sọgan wà na mi?” (4, 11)

Na anademẹtọ hànjitọ lẹ tọn; sọgbe hẹ nuhiho he nọ yin “Apoe Abọẹ-Abọẹ He to Fidindẹn.” Ohàn Davidi tọn. Miktami.* Whenue Filistinu lẹ wle e to Gati.+ 56  Jiwheyẹwhe E, do nukundagbe hia mi, na gbẹtọ to ogbé ṣie yàn.* Azán lọ pete ji wẹ yé nọ to avùnho hẹ mi bo nọ to kọgbidina mi.   Kẹntọ ṣie lẹ nọ to avùn tọ́n mi to azán lọ pete ji; Mẹsusu wẹ gbọn goyiyi dali to avùnho hẹ mi.   Yẹn nọ dejido+ gowe eyin n’to budi.+   Jiwheyẹwhe—mẹhe yẹn nọ pà ohó etọn— Jiwheyẹwhe go wẹ yẹn dejido; yẹn ma na dibu. Etẹwẹ gbẹtọ tata* sọgan wà hẹ mi?+   Azán lọ pete ji wẹ yé nọ to tintẹnpọn nado hẹn onú ṣie lẹ gble; Linlẹn yetọn lẹpo wẹ nado gbleawuna mi.+   Yé nọ whlá yede nado yangbé ṣie; Yé nọ to afọdide ṣie lẹpo ṣọ́,+ Po linlẹn lọ po nado hù mi.*+   Gbẹ́ yé dai, na kanyinylan yetọn wutu. Và akọta lẹ sudo to homẹgble towe mẹ, Jiwheyẹwhe E.+   Hiẹ nọ doayi lehe yẹn to lèlèsà do go.+ Kọ̀n dasin ṣie lẹ do ayúgò towe mẹ.+ Be yé ma yin kinkandai do owe towe mẹ?+   Kẹntọ ṣie lẹ na joagọ to azán he gbè yẹn na dawhá ylọ we na alọgọ.+ Yẹn dejido ehe go: Jiwheyẹwhe tin to adà ṣie mẹ.+ 10  Jiwheyẹwhe—mẹhe yẹn nọ pà ohó etọn— Jehovah—mẹhe yẹn nọ pà ohó etọn— 11  Jiwheyẹwhe go wẹ yẹn dejido; yẹn ma na dibu.+ Etẹwẹ gbẹtọ tata sọgan wà na mi?+ 12  Jiwheyẹwhe E, yẹn dona hẹn opà he yẹn do na we lẹ di;+ Yẹn na nọ yí avọ́nunina pẹdido tọn lẹ do pà we.+ 13  Na hiẹ ko whlẹn mi* sọn okú si+ Bo glọnalina afọ ṣie lẹ ma nado dahli,+ Na yẹn nido to gbẹnọ zọnmii bo to zọnlinzin to Jiwheyẹwhe nukọn.+

Nudọnamẹ Odò Tọn

Pọ́n Zẹm.
Kavi “to adú yìn do mi.”
To paa mẹ, “agbasalan.”
Kavi “alindọn ṣie.”
Kavi “alindọn ṣie.”