Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 55:1-23

NUHE E BẸHẸN LẸ

  • Odẹ̀ to whenue họntọn klọmẹ

    • Yin vivlẹ gbọn họntọn vivẹ́ dali (12-14)

    • “Ze agbàn pinpẹn towe dlan Jehovah ji” (22)

Na anademẹtọ hànjitọ lẹ tọn; ni yin jiji po hànjinu okànnọ lẹ po. Maskili.* Ohàn Davidi tọn. 55  Sè odẹ̀ ṣie, Jiwheyẹwhe E,+ A sọ gbẹ́ obiọ lẹblanu tọn ṣie dai blo.*+   Na mi ayidonugo bo siọ mi.+ Ahunmẹdunamẹnu ṣie nọ hẹn mi biọ bẹwlu mẹ,+ Bọ yẹn lẹzun ayimajainọ,   Na nuhe kẹntọ to didọ wutu Podọ na kọgbidinamẹ sọn mẹylankan lẹ dè wutu. Na yé nọ hẹn tukla wá ji e, Bosọ nọ yí homẹgble do gbẹwanna mi sinsinyẹn.+   Ahun ṣie nọ to awufiẹsa mẹ to ohò ṣie mẹ,+ Bọ obu okú tọn jẹ ji e.+   Yẹn nọ to budi bọ ahun ṣie nọ gbàdo, Yẹn sọ nọ to sisọsisọ.   Yẹn nọ to didọna dee mapote dọ: “Eyin n’tindo awà taidi apoe de wẹ! N’na zlọn yì bo na nọ nọ̀ hihọ́ mẹ.   Pọ́n! Yẹn na họnyi fidindẹn de.+ N’na yì nọ danfafa ji.+ (Sela)   N’na yawu yì bẹtẹn de He dẹn do jẹhọn-ahizi bosọ dẹn do yujẹhọn.”   Hẹn bẹwlu wá yé mẹ, Jehovah E, bo hẹn tito yetọn lẹ gble,*+ Na n’ko mọ danuwiwa po avùn po to tòdaho lọ mẹ. 10  Okle po ozán po wẹ yé nọ to zọnlinzin pé to adó etọn lẹ ji; Oylan po tukla po wẹ gọ́ e mẹ.+ 11  Gbakija wẹ to e mẹ; Kọgbidinamẹ po oklọ po ma nọ vọ̀ sọn tòplitẹn etọn gbede.+ 12  Na e ma yin kẹntọ de wẹ to vivlẹ mi gba;+ E ma yinmọ, n’na ko doakọnna. E ma yin kẹntọ de wẹ fọ́n do ji e gba; E ma yinmọ, n’na ko ze dee whlá do e. 13  Ṣigba hiẹ wẹ, mẹhe taidi yẹn nkọ,*+ Yèdọ hatọ ṣie he yẹn yọnẹn ganji.+ 14  Họntọn vivẹ́ wẹ mí ka yin dai; Mí sọ nọ saba zinzọnlin dopọ hẹ gbẹtọgun lọ yì ohọ̀ Jiwheyẹwhe tọn mẹ. 15  Vasudo ni wá yé ji!+ Gbọ yé ni jẹte yì Yọdò* mẹ gbẹ̀te; Na oylan dódó wẹ to yé mẹ podọ to ohò yetọn mẹ. 16  Na yẹn tọn, yẹn na nọ dawhá ylọ Jiwheyẹwhe, Bọ Jehovah na whlẹn mi.+ 17  Afọnnu, whèmẹ po whèjai po wẹ yẹn nọ to tukla mẹ bo nọ to hunwẹn,*+ Bọ ewọ nọ sè ogbè ṣie.+ 18  Ewọ na whlẹn mi* bo na na mi* jijọho sọn mẹhe to avùnho hẹ mi lẹ si, Na agundaho lẹ wẹ to wiwá ji e.+ 19  Jiwheyẹwhe na sè bo yinuwa sọta yé,+ Ewọ mẹhe sinai do ofìn ji sọn hohowhenu.+ (Sela) Yewlẹ na gbẹ́ nado diọ, Yèdọ yé mẹhe ma nọ dibusi Jiwheyẹwhe lẹ.+ 20  Ewọ* yangbé mẹhe to jijọho mẹ hẹ ẹ lẹ tọn;+ E gbà alẹnu etọn.+ 21  Ohó etọn lẹ nọ mlẹn hú limu anọ́sin tọn,+ Ṣigba, avùn wẹ gọ́ ahun etọn mẹ. Ohó etọn lẹ nọ dídí hú amì, Ṣigba, ohí he yin dindọn sún lẹ wẹ yé.+ 22  Ze agbàn pinpẹn towe dlan Jehovah ji,+ Ewọ nasọ penukundo gowe.+ Ewọ ma na dike dodonọ ni jai* gbede. + 23  Ṣigba, Jiwheyẹwhe E, hiẹ na hẹn yé jẹte yì odò sisosiso lọ mẹ.+ Hùnhọ́dutọ po mẹklọtọ enẹlẹ po ma na nọgbẹ̀ zẹ̀ odaa gbẹzan yetọn tọn go.+ Ṣigba, na yẹn tọn, yẹn na nọ dejido gowe.

Nudọnamẹ Odò Tọn

Pọ́n Zẹm.
Kavi “A sọ whlá dewe do mi to whenue n’hodẹ̀ bo biọ alọgọ blo.”
To paa mẹ, “má odẹ́ yetọn.”
Kavi “mẹde, he sọzẹn hẹ mi.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “yẹn nọ to adán ji.”
To paa mẹ, “na fli mi gọ̀.”
Kavi “alindọn ṣie.”
Enẹ wẹ, họntọn dai tọn he yin nùdego to wf 13 po 14 po mẹ lọ.
Kavi “mùsà; dahli.”