Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 53:1-6

NUHE E BẸHẸN LẸ

  • Zẹẹmẹ nulunọ tọn

    • “Jehovah de ma tin” (1)

    • ‘Mẹde ma to nuhe sọgbe wà’ (3)

Na anademẹtọ hànjitọ lẹ tọn; sọgbe hẹ nuhiho Mahalati* tọn. Maskili.* Ohàn Davidi tọn. 53  Nulunọ* dọ to ahun ede tọn mẹ dọ: “Jehovah de ma tin.”+ Walọ mawadodo tọn yetọn lẹ ko gblezọn bo yin osùnú; Mẹdepope ma to nuhe sọgbe wà.+   Ṣigba, Jiwheyẹwhe nọ pọ́n gbẹtọvi lẹ hlan sọn olọn mẹ+ Nado pọ́n eyin mẹdepope tindo zinzin, yèdọ eyin mẹdepope to Jehovah dín.+   Yemẹpo wẹ ko lẹhlan apadopo; Yemẹpo to pọmẹ wẹ ko gblezọn. Mẹdepope ma to nuhe sọgbe wà, E ma tlẹ yin mẹdopo tata.+   Be depope to ylanwatọ lẹ mẹ ma tindo nukunnumọjẹnumẹ wẹ? Yé nọ tlẹ́n omẹ ṣie lẹ dù taidi dọ akla dù wẹ yé te nkọ. Yé ma nọ dawhá ylọ Jehovah.+   Ṣigba, obu daho de na jẹ yé ji, Yèdọ obu he nkọ ma ko jẹ yé ji pọ́n,* Na Jehovah na vúnvún ohú mẹhe to ogbé towe yàn* lẹ tọn pé. Hiẹ nasọ dowinyan yé, na Jehovah ko gbẹ́ yé dai.   Ṣo, na whlẹngán Islaeli tọn ni wá sọn Ziọni!+ Whenue Jehovah na hẹn omẹ etọn he to kanlinmọgbenu lẹ gọwá, Gbọ Jakọbu ni jaya, podọ Islaeli ni hùnhomẹ.

Nudọnamẹ Odò Tọn

Pọ́n Zẹm.
Pọ́n Zẹm.
Kavi “Gugutọ.”
Kavi vlavo, “to fie nudobu depope ma te.”
To paa mẹ, “mẹhe dosla nado hoavùn sọta we.”