Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 52:1-9

NUHE E BẸHẸN LẸ

  • Jidide do owanyi nugbo Jiwheyẹwhe tọn go

    • Avase na mẹhe nọ doawagun to oylan mẹ (1-5)

    • Mẹylankan nọ dejido adọkun go (7)

Na anademẹtọ hànjitọ lẹ tọn. Maskili.* Ohàn Davidi tọn, whenue Doẹgi Edominu lọ wá bo dọna Sauli dọ Davidi ko wá owhé Ahimelẹki tọn gbè.+ 52  Naegbọn hiẹ do to awagundo to nuylankan he a ko wà lẹ mẹ, hiẹ huhlọnnọ E?+ Owanyi nugbo Jiwheyẹwhe tọn nọ gbọṣi aimẹ to azán lọ pete ji.+   Odẹ́ towe, he dá di dàlunhi,+ Nọ kàn ayiha gigẹdẹ nado gbleawunamẹ bosọ nọ wazọ́n oklọ tọn.+   Hiẹ yiwanna oylan hú dagbe, Yèdọ lalodido hú nuhe sọgbe didọ. (Sela)   Hiẹ yiwanna ohó depope he nọ gbleawunamẹ, Hiẹ odẹ́ oklọ tọn E!   Enẹ wẹ zọ́n bọ Jiwheyẹwhe na dọ̀n we liai petepete;+ Ewọ na wle we to ajiji mẹ bo dọ̀n we sún sọn gòhọ towe mẹ;+ E na họ̀nadọna we sọn aigba mẹhe togbẹ̀ lẹ tọn ji.+ (Sela)   Dodonọ lẹ na mọ ehe bọ awú na ji yé,+ Yé nasọ kò e.+   “Pọ́n dawe lọ he ma yí Jiwheyẹwhe do basi fibẹtado* etọn,+ Ṣigba bo dejido adọkun susugege etọn lẹ go+ Bosọ nọ ganjẹ* sébibla ylankan* etọn titi lẹ go.”   Ṣigba, yẹn na taidi atin olivie tọn he vùn ganji de to owhé Jiwheyẹwhe tọn gbè; Owanyi nugbo Jiwheyẹwhe tọn go wẹ yẹn na nọ dejido+ kakadoi podọ doidoi.   Yẹn na nọ pà we kakadoi, na nuhe hiẹ ko yiwà lẹ wutu;+ To nugbonọ towe lẹ nukọn, Yẹn na ze todido ṣie do oyín towe mẹ,+ na e yọ́n domọ.

Nudọnamẹ Odò Tọn

Pọ́n Zẹm.
Kavi “figángán.”
Kavi “dín fibẹtado to.”
To paa mẹ, “nugbajẹmẹji.”