Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 50:1-23

NUHE E BẸHẸN LẸ

  • Jiwheyẹwhe nọ dawhẹ to nugbonọ po mẹylankan po ṣẹnṣẹn

    • Alẹnu Jiwheyẹwhe tọn gbọn avọ́sinsan dali (5)

    • “Jiwheyẹwhe lọsu wẹ Whẹdatọ” (6)

    • Etọn wẹ kanlin lẹpo (10, 11)

    • E nọ de mẹylankan lẹ gbà (16-21)

Ohàn Asafi tọn.+ 50  Jiwheyẹwhe yẹwhe lẹ tọn, Jehovah,+ ko dọho; Ewọ to aigba pete ylọpli Sọn whèzẹtẹn-waji kaka yì whèyihọ-waji.   Ziọni, he yin pipé to whanpẹ+ mẹ wẹ Jiwheyẹwhe nọ họnwun sọn.   Jiwheyẹwhe mítọn na wá bo ma na gbọṣi abọẹ.+ Miyọ́n nuvasudotọ de tin to nukọn etọn,+ Yujẹhọn sinsinyẹn de sọ to yìnyìn lẹdo e pé.+   Nado dawhẹna omẹ etọn lẹ,+ Ewọ to olọn po aigba po ylọpli+ dọmọ:   “Mì bẹ nugbonọ ṣie lẹ pli do dè e, Yèdọ mẹhe to alẹnu basi hẹ mi gbọn avọ́sinsan gblamẹ lẹ.”+   Olọn lẹ to dodowiwa etọn lá, Na Jiwheyẹwhe lọsu wẹ Whẹdatọ.+ (Sela)   “Mì dotoai, mì omẹ ṣie lẹ emi, yẹn nasọ dọho; Yẹn na dekunnu sọta we, Islaeli E.+ Yẹn wẹ Jiwheyẹwhe, yèdọ Jiwheyẹwhe towe.+   Yẹn ma to wiwọhẹ we na avọ́sinsan towe lẹ wutu, Kavi na avọ́nunina mimẹ̀ blebu towe lẹ, he nọ tin to nukọn ṣie to whepoponu wutu gba.+   Yẹn ma tindo nuhudo nado yí oyìnsú de sọn owhé towe gbè, Kavi gbọgbọẹ* lẹ sọn apó towe lẹ mẹ.+ 10  Na ṣie wẹ gbekanlin he to zungbo mẹ lẹpo,+ Etlẹ yin kanlin he nọ nọ̀ osó ji lẹpo. 11  Yẹn yọ́n ohẹ̀ osó ji tọn lẹpo;+ Ṣie sọ wẹ kanlin madosọha he to danji lẹpo. 12  Eyin huvẹ wẹ hù mi, yẹn ma na dọna we, Na ṣie wẹ aigba po nuhe tin to e ji lẹpo po.+ 13  Be yẹn na dù olàn oyìnsú lẹ tọn Bo nù ohùn gbọgbọẹ lẹ tọn wẹ?+ 14  Yí pẹdido do basi avọ́sinsan towe hlan Jiwheyẹwhe,+ Bo nọ de opà lẹ he hiẹ do na Gigogán lọ;+ 15  Dawhá ylọ mi to ojlẹ ayimajai tọn mẹ.+ Yẹn na whlẹn we, bọ hiẹ na pagigona mi.”+ 16  Ṣigba, Jiwheyẹwhe na dọna mẹylankan dọmọ: “Jlọjẹ tẹwẹ hiẹ tindo nado donù aṣẹdai ṣie lẹ go+ Kavi nado dọho gando alẹnu ṣie go?+ 17  Na hiẹ gbẹwanna mẹplọnlọ,* Bo nọ gbẹkọ ohó ṣie lẹ go.*+ 18  Eyin hiẹ mọ ajotọ de, a nọ kẹalọyi i,*+ A sọ nọ dogbẹ́ hẹ ayọdetọ lẹ. 19  Hiẹ nọ yí onù towe do hẹn nuylankan gbayipe, A sọ nọ yí odẹ́ towe do dọho oklọ tọn.+ 20  Hiẹ nọ sinai bo nọ dọho jẹagọdo nọvisunnu towe titi;+ A nọ to nuṣiwa* visunnu onọ̀ towe titi tọn lẹ degba mapote. 21  Whenue hiẹ to onú ehelẹ wà, yẹn gbọṣi abọẹ, Enẹwutu, a lẹndọ n’na yinuwa di hiẹ nkọ wẹ sin. Ṣigba todin, yẹn na wọhẹ we, Bo nasọ ylọwhẹ we.+ 22  Mì jaale bo lẹnnupọndo ehe ji, mì mẹhe nọ wọnji Jiwheyẹwhe go lẹ,+ Na yẹn nikaa tlẹ́n mì do flinflin, bọ mẹde ma na tin nado whlẹn mì. 23  Mẹhe nọ yí pẹdido do basi avọ́sinsan etọn wẹ to gigopana mi,+ Podọ na nuhe dù mẹlọ he to zọnlin jijlọ zìn, Yẹn na hẹn ẹn nado mọ whlẹngán Jiwheyẹwhe tọn.”+

Nudọnamẹ Odò Tọn

To paa mẹ, “gbọgbọẹ asu.”
Kavi “anademẹ.”
To paa mẹ, “nọ bẹ ohó ṣie lẹ dlan godo.”
Kavi vlavo, “nọ kọnawudopọ hẹ ẹ.”
Kavi “yinkọ hẹngblena.”