Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 5:1-12

NUHE E BẸHẸN LẸ

  • Jehovah, fibẹtado na dodonọ

    • Jiwheyẹwhe gbẹwanna kanyinylan (4, 5)

    • ‘Deanana mi to dodo mẹ’ (8)

Na anademẹtọ hànjitọ lẹ tọn, to Nehilọti* ji. Ohàn Davidi tọn. 5  Jehovah E, sè ohó ṣie;+ Dotoaina azọ̀nwinwẹn ṣie.   Na ayidonugo awhágbe ṣie na alọgọ, Ahọlu ṣie podọ Jiwheyẹwhe ṣie E, na hiẹ wẹ yẹn to dẹ̀ho hlan.   Jehovah E, hiẹ na sè ogbè ṣie to afọnnu;+ Yẹn na dọ ahunmẹdunamẹnu ṣie na we to afọnnu+ bo na nọte to todido mẹ.   Na hiẹ ma yin Jiwheyẹwhe de he nọ mọ awuvivi to kanyinylan mẹ;+ Mẹylankan de ma sọgan gbọṣi dè we.+   Goyitọ de ma sọgan nọte to nukọn towe. Hiẹ gbẹwanna mẹhe nọ yinuwa po kanyinylan po lẹpo;+   Hiẹ na và mẹhe nọ dolalo lẹ sudo.+ Jehovah E, hiẹ gbẹwanna danuwatọ lẹ po mẹklọtọ lẹ po.+   Ṣigba, yẹn na biọ ohọ̀ towe mẹ+ na owanyi nugbo daho towe wutu;+ Yẹn na dẹ́ do odò pannukọn tẹmpli wiwe towe na obu gbégbigbò tọn he yẹn tindo na we wutu.+   Jehovah E, deanana mi to dodowiwa towe mẹ, na kẹntọ ṣie lẹ wutu; Hẹn aliho towe họnwun na mi.+   Na depope to nuhe yé nọ dọ lẹ mẹ ma sọgan yin jidedego; Linlẹn ylankan kẹdẹ wẹ gọ́ ayiha yetọn mẹ; Vẹ́go yetọn taidi yọdò he to nùvo; Yé nọ yí odẹ́ yetọn do namẹ pipà oklọ tọn.+ 10  Ṣigba, Jiwheyẹwhe na do yé hia di whẹhutọ; Ayiha gigẹdẹ yetọn titi lẹ wẹ na hẹn aijijẹ yetọn wá.+ Yé ni yin yinyan dogbé, na sẹ́nhẹngba susugege yetọn wutu, Na yé ko ṣiatẹ sọta we. 11  Ṣigba, mẹhe nọ dín fibẹtado to hiẹ mẹ lẹpo wẹ na jaya;+ Yé na nọ yí ayajẹ do dawhá to whepoponu. Hiẹ na glọnalina mẹhe jlo na gbleawuna yé lẹ, Podọ mẹhe yiwanna oyín towe lẹ na nọ jaya to hiẹ mẹ. 12  Na, Jehovah E, hiẹ na dona mẹdepope he yin dodonọ; Hiẹ na yí nukundagbe towe lẹdo yé pé dile awọ̀yinu daho de nọ basi hihọ́namẹ do.+

Nudọnamẹ Odò Tọn

Pọ́n Zẹm.