Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 49:1-20

NUHE E BẸHẸN LẸ

  • Nulunu wẹ jidide do adọkun go

    • Gbẹtọ ma gán fli awetọ etọn gọ̀ (7, 8)

    • Jiwheyẹwhe wẹ nọ fli gọ̀ sọn Yọdò mẹ (15)

    • Adọkun ma gán whlẹnmẹ sọn okú si (16, 17)

Na anademẹtọ hànjitọ lẹ tọn. Ohàn visunnu Kola tọn lẹ tọn.+ 49  Mì sè ehe, mì gbẹtọ lẹpo emi. Mì dotoai, mì mẹhe to aihọn* mẹ lẹpo emi,   Yèdọ pẹvi po daho po, Adọkunnọ po wamọnọ po.   Yẹn na yí onù ṣie do dọho nuyọnẹn tọn, Bọ ayihamẹlinlẹnpọn ahun ṣie mẹ tọn+ na do wuntuntun hia.   Yẹn na dotoaina ohó milomilo de; Yẹn na yí ajalẹn do detana oló ṣie.   Naegbọn yẹn nado dibu to whenue nuhahun wá,+ To whenue yẹn yin lilẹdope gbọn oylan* mẹhe to tintẹnpọn nado zìn mi dai lẹ tọn dali?   Yewlẹ he dejido adọkun yetọn go+ Bo nọ yigo gando adọkun susugege yetọn lẹ go,+   Depope to yé mẹ ma sọgan fli nọvisunnu etọn gọ̀ gbede Kavi na ofligọ de Jiwheyẹwhe do ota etọn mẹ,+   (Ofligọ-kuẹ* lọ na ogbẹ̀* yetọn sù sọmọ Bọ e nọ zẹ̀ nugopipe yetọn go);   Na ewọ nido nọgbẹ̀ kakadoi bo ma na mọ odò* lọ.+ 10  Ewọ mọdọ nuyọnẹntọ lẹ lọsu tlẹ nọ kú; Nulunọ po gugutọ po nọ dọ̀n dopọ,+ Bo dona jo adọkun yetọn do na mẹdevo lẹ.+ 11  Ojlo ohò yetọn mẹ tọn wẹ nọ yindọ owhé yetọn lẹ ni gbọṣi aimẹ kakadoi, Bọ gòhọ yetọn lẹ ni nọte sọn whẹndo de mẹ jẹ devo mẹ. Yé ko do oyín yetọn na nutindo yetọn lẹ. 12  Ṣigba, mahopọnna dọ gbẹtọ tlẹ yin yẹyinọ, e ma na gbọṣi aimẹ;+ E ma pọnte hú kanlin he nọ kú lẹ.+ 13  Aliho nulunọ lẹ tọn niyẹn+ Gọna mẹhe nọ hodo yé lẹ, yèdọ mẹhe nọ mọ awuvivi to ohó fúsa yetọn lẹ mẹ. (Sela) 14  Yé ko yin dide na Yọdò,* taidi lẹngbọ lẹ. Okú wẹ na yin lẹngbọhọtọ yetọn; Dodonọ na dugán do yé ji+ to afọnnu. Yé na yin winwọn petepete;+ Yọdò*+ wẹ na yin owhé yetọn kakati nido yin họ̀nmẹ.+ 15  Ṣigba, Jiwheyẹwhe na fli mi* gọ̀ sọn huhlọn* Yọdò* tọn si,+ Na ewọ na hẹn go e. (Sela) 16  A dibu, na mẹde lẹzun adọkunnọ wutu blo, Kavi na whanpẹ owhé etọn tọn jideji blo, 17  Na whenue ewọ kú, e ma sọgan hẹn nudepope yì;+ Whanpẹ etọn ma na jẹte yì hẹ ẹ.+ 18  Na ewọ nọ to edetiti* pà to gbẹwhenu etọn.+ (Eyin onú yọ́n na we, gbẹtọ lẹ na nọ pà we.)+ 19  Ṣigba to godo mẹ, ewọ na yì kọnawudopọ hẹ whẹndo tọgbo etọn lẹ tọn. Yé ma nasọ mọ hinhọ́n gbede ba. 20  Mẹhe ma mọnukunnujẹ ehe mẹ, eyin ewọ tlẹ yin yẹyinọ,+ E ma pọnte hú kanlin he nọ kú lẹ.

Nudọnamẹ Odò Tọn

Kavi “titonu lọ.”
To paa mẹ, “nuṣiwa.”
Kavi “Mẹflikuẹ.”
Kavi “alindọn.”
Kavi “yọdò.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “alindọn ṣie.”
To paa mẹ, “alọ.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “alindọn etọn.”