Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 48:1-14

NUHE E BẸHẸN LẸ

  • Ziọni, tòdaho Ahọlu Daho lọ tọn

    • Ayajẹ aigba pete tọn (2)

    • Mì gbeje tòdaho lọ po atọ̀họ̀ etọn lẹ po pọ́n (11-13)

Ohàn visunnu Kola tọn lẹ tọn.+ 48  Jehovah klo bosọ jẹna pipà tlala To tòdaho Jiwheyẹwhe mítọn tọn mẹ, yèdọ to osó wiwe etọn ji.   Osó Ziọni he tin to agewaji pete,+ Yèdọ tòdaho Ahọlu Daho lọ tọn, Yọnwhanpẹ to jiyiyi etọn mẹ bosọ yin ayajẹ aigba pete tọn.+   Atọ̀họ̀ gángán etọn lẹ mẹ Wẹ Jiwheyẹwhe ko hẹn ẹn zun yinyọnẹn te dọ emi yin fibẹtado he tindo hihọ́* de.+   Na, pọ́n! ahọlu lẹ ko bẹ yede pli;* Bo ko zọnpọ wá.   Whenue yé mọ tòdaho lọ, awuji yé. Obu jẹ yé ji bọ yé họnyi po sijọsijọ po.   Yé jẹ sisọsisọ ji to finẹ, Awufiẹsa yetọn sọ taidi yọnnu he to viji de tọn.   Hiẹ nọ yí jẹhọn whèzẹtẹn-waji tọn do siọ tọjihun Talṣiṣi tọn lẹ.   Nuhe mí sè poun dai lẹ, mí ko yí nukun mítọn do mọ yé todin To tòdaho Jehovah awhànpa lẹ tọn mẹ, yèdọ to tòdaho Jiwheyẹwhe mítọn tọn mẹ. Jiwheyẹwhe na hẹn ẹn lodo gligli kakadoi.+ (Sela)   Jiwheyẹwhe E, mí nọ lẹnnupọndo owanyi nugbo towe ji+ To tẹmpli towe mẹ. 10  Kẹdẹdi oyín towe, Jiwheyẹwhe E, pipà towe Nọ dlẹnkan yì opodo aigba tọn lẹ.+ Adusilọ towe gọ́ na dodowiwa.+ 11  Osó Ziọni ni jaya,+ Na tòpẹvi* Juda tọn lẹ ni jaya, na whẹdida towe lẹ wutu.+ 12  Mì zinzọnlin lẹdo Ziọni; mì lẹdo e pé; Mì hia atọ̀họ̀ etọn lẹ.+ 13  Mì na ayidonugo adó gángán etọn lẹ.+ Mì gbeje atọ̀họ̀ gángán etọn lẹ pọ́n, Na mì nido sọgan pìntàn etọn na whẹndo he ja lẹ. 14  Na Jiwheyẹwhe ehe wẹ Jiwheyẹwhe mítọn+ kakadoi podọ doidoi. Ewọ wẹ na deanana mí kaka sọyi mavọmavọ.*+

Nudọnamẹ Odò Tọn

Kavi “ofi yiaga he tindo hihọ́.”
Kavi “ko do dope na yede bo wá pli.”
To paa mẹ, “viyọnnu.”
Kavi vlavo, “kakajẹ okú.”