Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 47:1-9

NUHE E BẸHẸN LẸ

  • Jiwheyẹwhe wẹ Ahọlu to aigba lẹpo ji

    • ‘Jehovah dobu taun’ (2)

    • Mì jihàn pipà tọn lẹ hlan Jiwheyẹwhe (6, 7)

Na anademẹtọ hànjitọ lẹ tọn. Ohàn visunnu Kola tọn lẹ tọn.+ 47  Mì gbẹtọ lẹpo emi, mì hopẹ́. Mì jihàn awhàngbigba tọn hlan Jiwheyẹwhe po awhágbe ayajẹ tọn lẹ po.   Na Jehovah Gigogán lọ dobu taun;+ Ewọ wẹ Ahọlu daho do aigba lẹpo ji.+   Ewọ nọ hẹn gbẹtọ lẹ zun mẹmẹglọ to afọ mítọn glọ; E sọ nọ zín akọta lẹ do odò to afọ mítọn lẹ glọ.+   Ewọ wẹ nọ de ogú mítọn na mí,+ Yèdọ nutindo mítọn he mẹ Jakọbu he ewọ yiwanna lọ nọ doawagun te.+ (Sela)   Jiwheyẹwhe ko hẹji yì po awhágbe ayajẹ tọn po; Jehovah ko hẹji yì po nudidọ azò* lẹ tọn po.   Mì jihàn pipà tọn lẹ hlan Jiwheyẹwhe, mì jihàn pipà tọn lẹ. Mì jihàn pipà tọn lẹ na Ahọlu mítọn, mì jihàn pipà tọn lẹ.   Na Jiwheyẹwhe wẹ Ahọlu aigba lẹpo tọn;+ Mì jihàn pipà tọn lẹ bo do zinzin hia.   Jiwheyẹwhe ko lẹzun Ahọlu do akọta lẹ ji.+ Jiwheyẹwhe sinai to ofìn wiwe etọn ji.   Nukọntọ gbẹtọ lẹ tọn lẹ ko bẹ yede pli dopọ Hẹ omẹ Jiwheyẹwhe Ablaham tọn lẹ. Na Jiwheyẹwhe tọn wẹ ogán* aigba ji tọn lẹ. Ewọ ko yin zizedaga pete.+

Nudọnamẹ Odò Tọn

Kavi “agbòzò; opẹ̀n.”
To paa mẹ, “awọ̀yinu.”