Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 46:1-11

NUHE E BẸHẸN LẸ

  • ‘Jiwheyẹwhe wẹ fibẹtado mítọn’

    • Nujiawu Jiwheyẹwhe tọn lẹ (8)

    • Jiwheyẹwhe hẹn awhàn wá opodo (9)

Na anademẹtọ hànjitọ lẹ tọn. Ohàn visunnu Kola tọn lẹ tọn.+ Sọgbe hẹ nuhiho Alamọti tọn.* 46  Jiwheyẹwhe wẹ fibẹtado po huhlọn mítọn po,+ Alọgọ niyaniya tọn to ojlẹ ayimajai tọn lẹ mẹ.+   Enẹwutu wẹ mí ma na dibu, eyin aigba tlẹ to didiọ, Kavi eyin osó lẹ tlẹ whàn bo họ́ biọ hùzànmẹ,+   Eyin osin etọn lẹ tlẹ to fifiẹ bo to fútúfútú yẹ̀n,+ Eyin osó lẹ tlẹ to whinwhàn na zingidi etọn wutu. (Sela)   Tọ̀sisa de tin he asisa etọn lẹ nọ hẹn tòdaho Jiwheyẹwhe tọn jaya,+ Yèdọ gòhọtúntún gigonọ wiwe Gigogán lọ tọn.   Jiwheyẹwhe tin to tòdaho lọ mẹ;+ e ma sọgan yin tẹnsẹna. Jiwheyẹwhe na gọalọna ẹn to whenue ai na to hinhọ́n.+   Akọta lẹ to zingidi ji, ahọluduta lẹ to yinyin tẹnsẹna; Ewọ ze ogbè etọn daga bọ aigba yọ́.+   Jehovah awhànpa lẹ tọn tin hẹ mí;+ Jiwheyẹwhe Jakọbu tọn wẹ fibẹtado he tindo hihọ́* de na mí. (Sela)   Mì wá pọ́n azọ́n Jehovah tọn lẹ, Lehe ewọ ko wà nujiawu lẹ to aigba ji do.   Ewọ to awhàn hẹnwa opodo lẹdo aigba pé.+ E wẹ́n ogá bo sán owhán do flinflin; E yí miyọ́n do mẹ̀ awhàn-kẹkẹ* lẹ. 10  “Mì jogbe bo yọnẹn dọ yẹn wẹ Jiwheyẹwhe. Yẹn na yin zizedaga to akọta lẹ ṣẹnṣẹn;+ Yẹn na yin zizedaga to aigba ji.”+ 11  Jehovah awhànpa lẹ tọn tin hẹ mí;+ Jiwheyẹwhe Jakọbu tọn wẹ fibẹtado he tindo hihọ́ de na mí.+ (Sela)

Nudọnamẹ Odò Tọn

Pọ́n Zẹm.
Kavi “ofi yiaga he tindo hihọ́.”
Kavi vlavo, “awọ̀yinu.”