Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 45:1-17

NUHE E BẸHẸN LẸ

  • Alọwle ahọlu yiamisisadode lọ tọn

    • Hodidọ he gọ́ na ojọmiọn (2)

    • “Jiwheyẹwhe wẹ ofìn towe kakadoi” (6)

    • Ahọlu tindo ojlo na whanpẹ asiyọyọ lọ tọn (11)

    • Visunnu lẹ di ahọvi lẹ to aigba lẹpo ji (16)

Na anademẹtọ hànjitọ lẹ tọn; sọgbe hẹ nuhiho he nọ yin “Vounvoun Lẹ.” Ohàn visunnu Kola tọn lẹ tọn.+ Maskili.* Ohàn owanyi tọn. 45  Ahun ṣie yin whinwhàn gbọn nudagbe de dali. Yẹn dọmọ: “Ohàn ṣie* gando ahọlu de go.”+ Na odẹ́ ṣie ni tin taidi wekantin+ wekantọ azọ́nyọnẹntọ de tọn.+   Hiẹ wẹ yọnwhanpẹ hugan to gbẹtọvi lẹ mẹ. Hogbe he gọ́ na ojọmiọn lẹ wẹ nọ tọ́n sọn onù towe mẹ.+ Enẹ wẹ zọ́n bọ Jiwheyẹwhe ko dona we kakadoi.+   Blá ohí towe+ do alinkàn, hiẹ huhlọnnọ E,+ To gigo po whanpẹ daho towe po mẹ.+   Podọ zindonukọn to whanpẹ daho towe mẹ jẹ awhàngbigba* kọ̀n;+ Kùn osọ́ towe zọnmii, na nugbo, whiwhẹ po dodowiwa po wutu,+ Adusilọ towe nasọ wà* nujiawu lẹ dotana.   Ogá towe lẹ dá bo to gbẹtọ lẹ zindai to nukọn towe;+ Yé nọ biọ ahun mẹhe yin kẹntọ ahọlu lọ tọn lẹ tọn mẹ luntọ́n.+   Jiwheyẹwhe wẹ ofìn towe kakadoi podọ doidoi;+ Ogánpò ahọluduta towe tọn wẹ ogánpò dodowiwa* tọn.+   Hiẹ yiwanna dodowiwa,+ podọ hiẹ gbẹwanna kanyinylan.+ Enẹ wẹ zọ́n bọ Jiwheyẹwhe, yèdọ Jiwheyẹwhe towe+ ko yiamisisadode we po amì aglinjijẹ tọn+ po hú hatọ towe lẹ.   Avọ̀ towe lẹpo wẹ to owán gblingblin zuya, aloẹsi po kasia po tọn whẹ́n; Hànjinu okànnọ lẹ nọ dọnú sọn họ̀nmẹ daho he yè yí ajinnakú-dú do doaṣọ́na lọ mẹ nado hẹn we jaya.   Viyọnnu ahọlu lẹ tọn lẹ tin to yọnnu yẹyinọ towe lẹ ṣẹnṣẹn. Ahọsi lọ ko ṣite to adusilọ towe mẹ bo yin aṣọ́dona po sika Ofili tọn+ po. 10  Dotoai, hiẹ viyọnnu E, na ayidonugo bo tuntoai; Wọnji omẹ towe lẹ po owhé otọ́ towe tọn po go. 11  Ahọlu lọ nasọ tindo ojlo vẹkuvẹku na whanpẹ towe, Na ewọ wẹ yin oklunọ towe, Enẹwutu, dẹ́ do odò na ẹn. 12  Viyọnnu Tile tọn na nọ hẹn nunina wá; Sunnu adọkunnọ hugan lẹ na nọ dín nukundagbe towe.* 13  Awusọhia viyọnnu ahọlu lọ tọn jiawu taun to họ̀nmẹ.* Avọ̀ etọn yin aṣọ́dona po sika po. 14  Ewọ na yin pinplan wá ahọlu lọ dè to avọ̀ akuẹgegenu tọn he yin linlọ̀n lẹ mẹ.* Awhli hatọ etọn he hodo e lẹ na yin hinhẹnwa nukọn towe. 15  Yé na yin pinplan wá to homẹhunhun po ayajẹ po mẹ; Yé na biọ họ̀nmẹ ahọlu lọ tọn. 16  Visunnu towe lẹ na jẹ otẹn tọgbo towe lẹ tọn mẹ. Hiẹ na de yé taidi ahọvi lẹ to aigba lẹpo ji.+ 17  Yẹn na hẹn oyín towe zun yinyọnẹn sọn whẹndo de mẹ jẹ devo mẹ.+ Enẹ wẹ zọ́n bọ gbẹtọ lẹ na nọ pà we kakadoi podọ doidoi.

Nudọnamẹ Odò Tọn

Pọ́n Zẹm.
To paa mẹ, “Azọ́n ṣie lẹ.”
Kavi “kọdetọn dagbe.”
To paa mẹ, “plọn we.”
Kavi “whẹdida dodo.”
Kavi “nọ hẹn nukunmẹ towe bọ̀.”
To paa mẹ, “whégbè.”
Kavi vlavo, “to tewu he yin kikó lẹ mẹ.”