Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 44:1-26

NUHE E BẸHẸN LẸ

  • Dẹ̀hiho na alọgọ

    • “Hiẹ wẹ whlẹn mí” (7)

    • Di “lẹngbọ he na yin hùhù” (22)

    • “Fọ́n bo wá gọalọna mí!” (26)

Na anademẹtọ hànjitọ lẹ tọn. Ohàn visunnu Kola tọn lẹ tọn.+ Maskili.* 44  Jiwheyẹwhe E, míwlẹ ko yí otó mítọn titi do sè, Tọgbo mítọn lẹ ko pìntàn na mí,+ Gando nuhe hiẹ wadotana to ojlẹ yetọn mẹ lẹ go, Yèdọ to ojlẹ dindẹn die.   Hiẹ yí alọ towe do yàn akọta lẹ sẹ̀+ Bo hẹn tọgbo mítọn lẹ nado nọ nọ̀ finẹ.+ Hiẹ gbidi akọta lẹ bo yàn yé sẹ̀.+   E ma yin ohí yetọn titi wẹ zọ́n bọ yé yí aigba lọ,+ Podọ e ma yin awà yetọn titi wẹ zọ́n bọ yé do gbawhàn gba.+ Kakatimọ, adusilọ towe, awà towe+ po hinhọ́n nukunmẹ towe tọn po wẹ, Na homẹ towe hùn do yé go wutu.+   Hiẹ wẹ Ahọlu ṣie, Jiwheyẹwhe E;+ Degbe,* na Jakọbu nido gbawhàn pete.*   Gbọn huhlọn towe dali wẹ mí na hẹn kẹntọ lẹ nado joagọyigodo;+ Oyín towe mẹ wẹ mí na tùnafọ mẹhe fọ́n do mí ji lẹ ji te.+   Na yẹn ma dejido ogá ṣie go, Podọ ohí ṣie ma sọgan whlẹn mi.+   Hiẹ wẹ whlẹn mí sọn kẹntọ mítọn lẹ si,+ Bo dowinyan mẹhe gbẹwanna mí lẹ.   Míwlẹ na nọ to pipà na Jiwheyẹwhe to azán lọ pete ji, Bo nasọ nọ pà oyín towe kakadoi. (Sela)   Ṣigba, hiẹ ko tùn mí dlan bo dowinyan mí todin, Bọ hiẹ masọ nọ tọ́nyi hẹ awhànpa mítọn ba. 10  Hiẹ nọ hẹn mí nado họ̀n to kẹntọ mítọn nukọn;+ Mẹhe gbẹwanna mí lẹ nọ bẹ nudepope he jlo yé yì. 11  Hiẹ jo mí do nado yin tintlẹ́n dù di lẹngbọ; Hiẹ ko vúnvún mí pé do akọta lẹ mẹ.+ 12  Hiẹ sà omẹ towe lẹ pọṣọnu;+ Hiẹ masọ duale depope sọn nusisà lọ mẹ.* 13  Hiẹ hẹn mí zun vlẹko na kọmẹnu mítọn lẹ, Bọ mẹhe lẹdo mí pé lẹ nọ ṣàn mí kò bo nọ yẹ́n-awọnlín do mí. 14  Hiẹ hẹn mí zun aṣagbọ́nu* na akọta lẹ,+ Bọ akọta lẹ nọ mimí ota hlan mí. 15  Winyan nọ to hùhù mi to azán lọ pete ji, Winyan ṣie nọ húagbọ́ mi, 16  Na mẹṣanko po mẹzunzun yetọn lẹ po wutu, Na kẹntọ mítọn to ahọsuyi to mí go wutu. 17  Onú ehe lẹpo ko wá mí ji, ṣogan míwlẹ ma wọn we, Míwlẹ masọ gbà alẹnu towe.+ 18  Ahun mítọn ma lẹ́ sọn dè we; Afọdide mítọn lẹ masọ danbú sọn ali towe ji. 19  Ṣigba, hiẹ ko gbidi mí to fie avún gbémẹ tọn lẹ nọ nọ̀; Hiẹ ko yí zinvlu gọ́ngọ́n ṣinyọ́n mí. 20  Eyin míwlẹ ko wọn oyín Jiwheyẹwhe mítọn tọn Kavi eyin mí ko kẹ̀ alọ mítọn lẹ hlan yẹwhe jonọ de nado hodẹ̀ hlan ẹn, 21  Be Jiwheyẹwhe ma na mọ ehe wẹ? Ewọ nọ yọ́n aṣli he tin to ahun mẹ lẹ.+ 22  Na towe tọn wutu wẹ yè to mí hù to whelẹponu; Mí ko yin pinpọnhlan taidi lẹngbọ he na yin hùhù.+ 23  Fọ́n bo. Naegbọn hiẹ do to amlọndọ, Jehovah E?+ Fọ́n sọn amlọn mẹ! A tùn mí dlan kakadoi blo.+ 24  Naegbọn hiẹ do whlá nukunmẹ towe? Naegbọn hiẹ do wọn yajiji po kọgbidinamẹ mítọn po? 25  Na mí* ko yin zinzindai do kọ́gudu mẹ; Agbasa mítọn ko yin zínzín do kọmẹ.+ 26  Fọ́n bo wá gọalọna mí!+ Whlẹn mí,* na owanyi nugbo towe wutu.+

Nudọnamẹ Odò Tọn

Pọ́n Zẹm.
Kavi “Dike.”
Kavi “nido mọ whlẹngán daho yí.”
Kavi “sọn akuẹ he yé yin sisà yin mẹ.”
To paa mẹ, “howhinwhẹn.”
Kavi “alindọn mítọn.”
To paa mẹ, “Fli mí gọ̀.”