Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 42:1-11

NUHE E BẸHẸN LẸ

  • Gigo na Jiwheyẹwhe, Whlẹngántọ Daho

    • N’jẹdò Jiwheyẹwhe tọn dile agbanlin nọ jẹdò osin tọn do (1, 2)

    • “Naegbọn yẹn do jẹflumẹ?” (5, 11)

    • “Nọtepọn Jiwheyẹwhe” (5, 11)

Na anademẹtọ hànjitọ lẹ tọn. Maskili* visunnu Kola tọn lẹ tọn.+ 42  Kẹdẹdi agbanlin he jẹdò asisa osin tọn, Mọ wẹ yẹn* jẹdò towe do niyẹn, Jiwheyẹwhe E.   Nugbla Jiwheyẹwhe tọn, yèdọ Jiwheyẹwhe ogbẹ̀nọ lọ tọn, to hùhù mi.*+ Whetẹnu wẹ yẹn na penugo nado wá bo sọawuhia to Jiwheyẹwhe nukọn?+   Dasin ṣie lẹ wẹ nọ nọ̀ núdùdù tẹnmẹ na mi to okle po ozán po; Gbẹtọ lẹ nọ to ṣinṣàn mi kò to azán lọ pete ji dọ: “Fie wẹ Jiwheyẹwhe towe te?”+   Yẹn nọ flin onú hoho lẹ, bo nọ kọ̀n nuhe to alindọn* ṣie mẹ lẹpo jẹgbonu, Na yẹn ko nọ zinzọnlin dai to pọmẹ hẹ gbẹtọgun lọ; Yẹn nọ zinzọnlin po sisi po* to nukọn yetọn yì ohọ̀ Jiwheyẹwhe tọn mẹ, Po awhágbe ayajẹ gọna pẹdido tọn lẹ po, Yèdọ awhágbe gbẹtọgun he to hùnwhẹ basi de tọn.+   Naegbọn yẹn* do jẹflumẹ domọ?+ Naegbọn yẹn do to bẹwlu mẹ to ohò ṣie mẹ dole? Nọtepọn Jiwheyẹwhe,+ Na yẹn na gbẹ́ nọ pà ewọ taidi Whlẹngántọ Daho ṣie.+   Jiwheyẹwhe ṣie E, yẹn* ko jẹflumẹ.+ Enẹ wẹ zọ́n bọ yẹn do flin we,+ Sọn aigba Jọdani tọn po ofi yiaga Hẹlmọni tọn lẹ po ji, Sọn Osó Mizali* ji.   Otọ̀ he siso lẹ nọ to otọ̀ he siso devo lẹ ylọ Dile tọ̀sisa osó ji tọn towe lẹ to núdọ. Agbówhẹn zingidinọ towe lẹpo ko gbaṣinyọ́n mi.+   Jehovah na do owanyi nugbo etọn hia mi to okle, Yẹn nasọ jihàn gando ewọ go to zánmẹ—yèdọ odẹ̀ de hlan Jiwheyẹwhe he nagbẹ̀ mi.+   Yẹn na dọhlan Jiwheyẹwhe awinyan ṣie dọmọ: “Naegbọn hiẹ do wọnji go e?+ Naegbọn yẹn nado nọ to zọnlinzin pé po awubla po na kọgbidinamẹ kẹntọ ṣie tọn wutu?”+ 10  Kẹntọ ṣie lẹ nọ yí wangbẹna hlọnhutọ tọn nkọ do ṣàn mi kò;* Yé nọ to ṣinṣàn mi kò to azán lọ pete ji dọ: “Fie wẹ Jiwheyẹwhe towe te?”+ 11  Naegbọn yẹn* do jẹflumẹ domọ? Naegbọn yẹn do to bẹwlu mẹ to ohò ṣie mẹ dole? Nọtepọn Jiwheyẹwhe,+ Na yẹn na gbẹ́ nọ pà ewọ taidi Whlẹngántọ Daho ṣie podọ Jiwheyẹwhe ṣie.+

Nudọnamẹ Odò Tọn

Pọ́n Zẹm.
Kavi “alindọn ṣie.”
Kavi “alindọn ṣie.”
Pọ́n Zẹm.
Kavi “dẹẹdẹ.”
Kavi “alindọn ṣie.”
Kavi “alindọn ṣie.”
Kavi “osó pẹvi lọ.”
Kavi vlavo, “Kẹntọ ṣie lẹ nọ ṣàn mi kò taidi mẹhe to ohú ṣie lẹ gídí.”
Kavi “alindọn ṣie.”