Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 41:1-13

NUHE E BẸHẸN LẸ

  • Odẹ̀ mẹhe to azọ̀nzàn ji tọn

    • Jiwheyẹwhe nọ hẹn awutunọ dote (3)

    • Họntọn vivẹ́ de e hia (9)

Na anademẹtọ hànjitọ lẹ tọn. Ohàn Davidi tọn. 41  Ayajẹnọ wẹ mẹdepope he nọ hò agbátọnọ tọn pọ́n;+ Jehovah na whlẹn mẹlọ to azán nugbajẹmẹji tọn gbè.   Jehovah na basi hihọ́na ẹn bo hẹn ẹn dogbẹ̀. Ewọ na yin yiylọdọ ayajẹnọ to aigba ji;+ Hiẹ ma na jo e do alọ* kẹntọ etọn lẹ tọn mẹ gbede.+   Jehovah na hẹn ẹn dote to azọ̀nzàn ji;+ Hiẹ na diọ adọzan etọn pete to azọ̀n etọn whenu.   Na yẹn dọmọ: “Jehovah E, do nukundagbe hia mi.+ Gbọazọ̀nna mi,*+ na yẹn ko waylando sọta we.”+   Ṣigba, kẹntọ ṣie lẹ nọ dọ nuylankan do go e dọmọ: “Whetẹnu wẹ e ka na kú bọ oyín etọn na súnsúnsẹ̀?”   Eyin ode to yé mẹ wá pọ́n mi, e nọ dọ ohó lalo he tin to ahun etọn mẹ. Bo nọ ṣinyan ohó ylankan he e na dọ lẹ; Enẹgodo, e nọ tọ́nyi bo nọ lá pé.   Mẹhe gbẹwanna mi lẹpo nọ to páde na ode awetọ; Yé nọ to nuylankan lẹn gando go e dọmọ:   “Nugbajẹmẹji de ko wá e ji; Todin he e ko jai, e ma nasọ fọ́n ba.”+   Dawe he tlẹ tin to jijọho mẹ hẹ mi, mẹhe go yẹn dejido,+ Bọ e nọ dù núdùdù ṣie, ko ze afọgbẹn etọn daga sọta* mi.+ 10  Ṣigba, Jehovah E, do nukundagbe hia mi bo ze mi fọ́n, Na yẹn nido yiahọsu to yé go. 11  Gbọn ehe dali wẹ yẹn na yọnẹn dọ homẹ towe hùn do go e: Whenue kẹntọ ṣie ma na penugo nado dawhá awhàngbigba tọn do ji e.+ 12  Na yẹn tọn, hiẹ nọ hẹn mi lodo na tenọgli ṣie wutu;+ Hiẹ na hẹn mi do nukọn towe kakadoi.+ 13  Na Jehovah Jiwheyẹwhe Islaeli tọn ni yin pipà Kaka sọyi mavọmavọ.*+ Niṣẹ,* podọ Niṣẹ.

Nudọnamẹ Odò Tọn

Kavi “na ojlo; na alindọn.” Pọ́n Zẹm.
Kavi “alindọn ṣie.”
Kavi “ko diọnukunsọ.”
Kavi “Sọn madopodo jẹ madopodo.”
Kavi “Amẹn” to Heblugbe mẹ.