Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 40:1-17

NUHE E BẸHẸN LẸ

  • Pẹdido na Jiwheyẹwhe

    • Azọ́n Jiwheyẹwhe tọn lẹ ma gán yin sislẹ (5)

    • Avọ́sinsan ma yin nujọnu hugan na Jiwheyẹwhe (6)

    • “Awuvivi to ojlo towe wiwà mẹ” (8)

Na anademẹtọ hànjitọ lẹ tọn. Ohàn Davidi tọn. 40  Yẹn ze todido ṣie do* Jehovah mẹ petepete, Bọ ewọ lẹ́ otó etọn* hlan mi bo sè awhágbe ṣie na alọgọ.+   E de mi sọn odò he mẹ osin to sisà po zingidi po te de mẹ, Yèdọ sọn ogbọ̀n he dídí mẹ. Ewọ ze mi ṣite do awinyan de ji; E sọ hẹn afọ ṣie lodo.   To whenẹnu, ewọ ze ohàn yọyọ de do nùmẹ na mi,+ Ohàn pipà tọn de na Jiwheyẹwhe mítọn. Mẹsusu wẹ na mọ bọ awú na ji yé, Yé nasọ dejido Jehovah go.   Ayajẹnọ wẹ mẹhe nọ dejido Jehovah go Bo ma nọ lẹhlan tasinyẹntọ lẹ kavi lalonọ lẹ.   Lehe nuhe hiẹ ko wà lẹ sù sọ, Jehovah Jiwheyẹwhe ṣie E, Yèdọ azọ́njiawu towe lẹ podọ linlẹn towe lẹ gando mí go.+ Mẹdepope ma sọgan yin yiyijlẹdo gowe;+ Eyin yẹn tlẹ tẹnpọn nado slẹ yé kavi dọho gando yé go, Yé na sù hugan nuhe sọgan yin sislẹ!+   Hiẹ ma tindo ojlo* to avọ́sinsan po avọ́nunina po mẹ,+ Ṣigba, hiẹ hùn otó ṣie lẹ nado sè.+ Hiẹ ma biọ avọ́nunina mimẹ̀ po avọ́nunina ylando tọn lẹ po.+   To whenẹnu, yẹn dọmọ: “Pọ́n, yẹn ko wá. To owe-hihá* lọ mẹ wẹ e ko yin kinkan do gando go e.+   Jiwheyẹwhe ṣie E, yẹn nọ mọ awuvivi* to ojlo towe wiwà mẹ,+ Podọ osẹ́n towe tin to ahun ṣie mẹ dọ́n.+   Yẹn nọ lá wẹndagbe dodowiwa towe tọn to agun daho mẹ.+ Pọ́n! Yẹn ma do nùflo ṣie abọẹ,+ Dile hiẹ lọsu yọnẹn ganji do, Jehovah E. 10  Yẹn ma nọ ṣinyọnnudo dodowiwa towe do ahun ṣie mẹ. Yẹn nọ lá nugbonọ-yinyin po whlẹngán towe po. Yẹn ma nọ whlá owanyi nugbo towe po nugbo towe po to agun daho mẹ.”+ 11  Jehovah E, a tẹ̀ lẹblanu towe mi blo. Na owanyi nugbo towe po nugbo towe po ni nọ basi hihọ́na mi to whelẹponu.+ 12  Nugbajẹmẹji he lẹdo mi pé lẹ sù gbau nado yin hihia.+ Nuṣiwa ṣie lẹ sù bo húagbọ́ mi sọmọ bọ aliho ṣie dózin do mi;+ Yé sù hugan oda he to ota na mi lẹ, Bọ ahun ṣie gbàdo. 13  Jaale, Jehovah E, desọn ojlo mẹ bo wá whlẹn mi.+ Jehovah E, yawu wá gọalọna mi.+ 14  Gbọ mẹhe to okú ṣie* dín lẹpo Ni duwinyan bo jẹflumẹ. Na mẹhe nọ mọ awuvivi to nugbajẹmẹji ṣie mẹ lẹ Ni joagọ po winyan po. 15  Gbọ yé he to didọna mi dọ: “Ẹn hẹn! Ẹn hẹn!” lẹ Ni jẹflumẹ na winyan yetọn titi wutu. 16  Ṣigba, gbọ mẹhe to dindin we lẹ+ Ni nọ jẹaglin bo nọ jaya to hiẹ mẹ.+ Na mẹhe yiwanna azọ́n whlẹngán tọn towe lẹ ni nọ dọ to whepoponu dọmọ: “Jehovah ni yin gigopana.”+ 17  Ṣigba, agbátọnọ podọ wamọnọ de wẹ yẹn; Jehovah ni na mi ayidonugo. Hiẹ wẹ alọgọtọ po whlẹngántọ ṣie po;+ Jiwheyẹwhe ṣie E, a dọngbàn blo.+

Nudọnamẹ Odò Tọn

Kavi “yí linsinsinyẹn do nọtepọn.”
Kavi “dẹ́ hlan odò bo dotoai.”
Kavi “awuvivi.”
To paa mẹ, “owe-hihá owe lọ tọn.”
Kavi “ojlo.”
Kavi “alindọn ṣie.”