Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 4:1-8

NUHE E BẸHẸN LẸ

  • Odẹ̀ jidide do Jiwheyẹwhe go tọn

    • ‘Mì duadi, ṣigba mì waylando blo’ (4)

    • ‘Yẹn na damlọn to jijọho mẹ’ (8)

Na anademẹtọ hànjitọ lẹ tọn; ni yin jiji po hànjinu okànnọ lẹ po. Ohàn Davidi tọn. 4  Jiwheyẹwhe dodonọ ṣie E, eyin yẹn ylọ we, siọ mi.+ Deali whlẹngán tọn na mi to whenue yẹn tin to ayimajai mẹ. Do nukundagbe hia mi bo sè odẹ̀ ṣie.   Mì gbẹtọvi lẹ emi, nawẹ e na dẹnsọ bọ mìwlẹ na to yẹyi ṣie diọ zun winyan? Nawẹ e na dẹnsọ bọ mìwlẹ na to wanyina onú ovọ́ bo to afọdona lalo? (Sela)   Ni họnwun na mì dọ Jehovah na yinuwa hẹ nugbonọ etọn to aliho vonọtaun de mẹ;* Eyin yẹn ylọ Jehovah, ewọ na sè.   Mì sọgan duadi, amọ́ mì waylando blo.+ Mì dọhona mìde do ayiha mẹ to adọzan mìtọn ji bo gbọṣi abọẹ. (Sela)   Mì basi avọ́sinsan dodo tọn lẹ, Bo dejido Jehovah go.+   Mẹsusu wẹ to didọ dọ: “Mẹnu wẹ na do nudagbe de hia mí?” Jehovah E, gbọ hinhọ́n nukunmẹ towe tọn ni họ́n do mí ji.+   Hiẹ ko hẹn ahun ṣie gọ́ na ayajẹ daho Hú mẹhe bẹ jinukun po ovẹn yọyọ susugege po pli to jibẹwawhé whenu lẹ.   Yẹn na mlọnai bo damlọn to jijọho mẹ,+ Na, hiẹ Jehovah E, hiẹ dopo akàn wẹ nọ hẹn mi tin to hihọ́ mẹ.+

Nudọnamẹ Odò Tọn

Kavi “de nugbonọ etọn dovo; klan nugbonọ etọn dovo na ede.”