Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 39:1-13

NUHE E BẸHẸN LẸ

  • Gbẹzan whègli

    • Gbẹtọ taidi gbọfufu tata (5, 11)

    • “A gbẹkọ dasin ṣie lẹ go blo” (12)

Na anademẹtọ hànjitọ lẹ tọn; to Jedutuni*+ ji. Ohàn Davidi tọn. 39  Yẹn dọmọ: “N’na họ́ afọdide ṣie Na yẹn nikaa yí odẹ́ ṣie do waylando.+ Yẹn na doajànuna dee+ Dile e na dẹnsọ bọ mẹylankan de na tin to nukọn ṣie.”   N’taidi unbọpẹnnọ bo ma kẹnù;+ Yẹn nabọẹ etlẹ yin gando nudagbe go, Ṣigba, awufiẹsa ṣie sinyẹn deji.*   Ahun ṣie nọ fiẹ* to ohò ṣie mẹ. Dile yẹn to nulẹnpọndeji,* miyọ́n lọ gbẹ́ to zoji. To whenẹnu, odẹ́ ṣie dọmọ:   “Jehovah E, gọalọna mi nado yọ́n opodo ṣie, Podọ tedidi gbẹzan ṣie tọn,+ Na yẹn nido yọ́n lehe gbẹzan ṣie whègli sọ.   Na nugbo tọn, hiẹ ko hẹn gbẹzan ṣie whègli;*+ Gbẹzan ṣie ma yin nude to nukọn towe.+ E họnwun dọ gbẹtọ lẹpo ma yin nudevo de hú gbọfufu tata, mahopọnna lehe ninọmẹ yetọn sọgan taidi nuhe tindo hihọ́ sọ.+ (Sela)   Na nugbo tọn, gbẹtọ lẹpo wẹ nọ to zọnlinzin pé taidi oyẹ̀ de. Yé nọ to wezunhọ̀n pé* to ovọ́ mẹ. Yé nọ bẹ adọkun pli bo ma nọ yọ́n mẹhe na wá duvivi etọn.+   To whelọnu lo, todido tẹwẹ yẹn sọgan tindo, Jehovah E? Hiẹ wẹ todido dopo akàn ṣie.   Whlẹn mi sọn sẹ́nhẹngba ṣie lẹpo mẹ.+ A dike nulunọ yí mi do davlẹ blo.   Yẹn gbẹ́ taidi unbọpẹnnọ; Yẹn ma gán kẹnù,+ Na azọ́n towe wẹ ehe.+ 10  De azọ̀nylankan towe sẹ̀ sọn dè e. Yẹn ko jẹflumẹ pete, na alọ towe to nuli mi wutu. 11  Hiẹ nọ wọhẹ gbẹtọ gbọn mẹplọnlọ dido e go na nuṣiwa etọn wutu dali;+ Hiẹ nọ dù nuhọakuẹ etọn lẹ sudo dile okọ́ nọ wà do. E họnwun dọ gbẹtọ lẹpo wẹ taidi gbọfufu tata.+ (Sela) 12  Sè odẹ̀ ṣie, Jehovah E, Dotoaina awhágbe ṣie na alọgọ.+ A gbẹkọ dasin ṣie lẹ go blo. Na mẹhe to jonọ-gbéji de poun wẹ yẹn yin na we,+ Yèdọ gbejizọnlinzintọ he juwajei* de taidi tọgbo ṣie lẹpo.+ 13  De nukun sinsinyẹn towe sọn ji e, na yẹn nido jaya vude Whẹpo do kú bo yì pete.”

Nudọnamẹ Odò Tọn

Pọ́n Zẹm.
Kavi “fọ́n yiaga.”
Kavi “jizò.”
Kavi “azọ̀nwẹn.”
To paa mẹ, “di alọpapa lẹ.”
To paa mẹ, “to awhádo.”
Kavi “Yèdọ gbéjinọtọ.”