Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 38:1-22

NUHE E BẸHẸN LẸ

  • Odẹ̀ mẹhe lẹnvọjọ bo to awufiẹsa mẹ de tọn

    • “Yẹn gọ́ na ayimajai bo jẹflumẹ petepete” (6)

    • Jehovah nọ siọ mẹhe nọtepọn ẹn lẹ (15)

    • “Ylando ṣie to tuklado mi” (18)

Ohàn Davidi tọn nado flinnumẹ.* 38  Jehovah E, a wọhẹ mi to homẹgble towe mẹ blo,Kavi a domẹplọnlọ go e to adi towe mẹ blo.+   Na ogába towe lẹ ko sọ́ mi biọ lanmẹ,Alọ towe sọ nọ pẹ̀n do ji e.+   Agbasa ṣie pete wẹ to azọ̀njẹ,* na homẹgble towe wutu. Ohú ṣie lẹ masọ tindo jijọho depope na ylando ṣie wutu.+   Na nuṣiwa ṣie lẹ ko ṣinyọ́n ota na mi pete;+Yé hú agbọ́ mi taidi agbàn pinpẹn tlala de.   Apà ṣie lẹ to wánlùn bo ko yọ̀nNa nulú ṣie wutu.   Yẹn gọ́ na ayimajai bo jẹflumẹ petepete;N’nọ to zọnlinzin pé to awubla mẹ to azán lọ pete ji.   Lanmẹ ṣie nọ to zoji;*Agbasa ṣie pete wẹ to azọ̀njẹ.+   Agbasa ṣie ko kúatli bọ n’ko jẹflumẹ petepete;Awufiẹsa ahun ṣie mẹ tọn nọ hẹn mi wẹnhun gángán.*   Jehovah E, ojlo ṣie lẹpo to nukọn towe,Podọ azọ̀nwinwẹn ṣie ma whlá do we. 10  Ahun ṣie nọ hò bọ huhlọn vọ̀ do mi,Podọ hinhọ́n he to nukunji na mi ko busẹ.+ 11  Họntọn ṣie lẹ po hagbẹ ṣie lẹ po nọ dapana mi na azọ̀nylankan ṣie wutu,Podọ mẹyinyọnẹn he sẹpọ mi lẹ nọ nọla na mi. 12  Yé mẹhe to okú ṣie* dín lẹ nọ do omọ̀ na mi;Yé mẹhe to tintẹnpọn nado gbleawuna mi lẹ nọ to ohó husudo tọn dọ;+Yé nọ to ayiha oklọ tọn kàn to azán lọ pete ji. 13  Ṣigba, taidi tókunọ, n’ma nọ dotoai;+Taidi unbọpẹnnọ, n’ma nọ kẹnù.+ 14  Yẹn ko wá taidi mẹhe ma sọgan sènu,Podọ mẹhe onù etọn ma nọ mọ nude dọ nado yiavùnlọ. 15  Na hiẹ wẹ yẹn nọtepọn, Jehovah E,+Hiẹ sọ siọ mi, Jehovah Jiwheyẹwhe ṣie E.+ 16  Na yẹn dọmọ: “A dike yé jẹaglin do ji e bloKavi a dike yé ze yede daga do ji e, eyin afọ ṣie dídí blo.” 17  Na yẹn ko dibla jai,Yẹn sọ to awufiẹsa mẹ to whepoponu.+ 18  Yẹn yigbe nuṣiwa ṣie tọn;+Ylando ṣie to tuklado mi.+ 19  Ṣigba, kẹntọ ṣie lẹ sinyẹn* bosọ dohuhlọn,*Yé mẹhe gbẹwanna mi matin whẹwhinwhẹ́n lẹ ko sù taun. 20  Yé yí oylan do suahọ dagbe tọn mi;Yé to agọjẹdo mi, na yẹn to afọdona dagbe wutu. 21  A gbẹ́ mi dai blo, Jehovah E. Jiwheyẹwhe E, a dẹn do mi blo.+ 22  Yawu wá gọalọna mi,Jehovah whlẹngántọ ṣie E.+

Nudọnamẹ Odò Tọn

Kavi “nado hẹnwa oflin mẹ.”
To paa mẹ, “Fide ma to gángán to agbasalan ṣie mẹ.”
To paa mẹ, “Alinmẹ ṣie lẹpo wẹ to zoji.”
Kavi “gbó.”
Kavi “alindọn ṣie.”
To paa mẹ, “togbẹ̀.”
Kavi vlavo, “Ṣigba, mẹhe yin kẹntọ ṣie matin whẹwhinwhẹ́n lẹ sù.”