Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 36:1-12

NUHE E BẸHẸN LẸ

  • Owanyi nugbo họakuẹ Jiwheyẹwhe tọn

    • Mẹylankan ma nọ dibusi Jiwheyẹwhe (1)

    • Jiwheyẹwhe, asisa ogbẹ̀ tọn (9)

    • ‘Hinhọ́n towe dali wẹ mí gán mọ hinhọ́n’ (9)

Na anademẹtọ hànjitọ lẹ tọn. Ohàn Davidi devizọnwatọ Jehovah tọn. 36  Linlẹn sẹ́nhẹngba tọn tin to ahun mẹylankan tọn mẹ dọ́n; Ewọ ma nọ dibusi Jiwheyẹwhe.+   Na e nọ na pipà oklọ tọn ede zẹjlẹgo Bo ma sọgan mọ nuṣiwa edetiti tọn bo gbẹwanna.+   Ohó oklọ tọn he nọ gbleawunamẹ lẹ wẹ nọ tọ́n sọn onù etọn mẹ; E ma tindo wuntuntun depope nado nọ wà dagbe.   E nọ kàn ayiha ylankan lẹ, etlẹ yin to adọzan etọn ji. E gbọṣi ali he ma yọ́n de ji; E masọ nọ gbẹ́ oylan dai.   Jehovah E, owanyi nugbo towe yiaga jẹ olọn,+ Nugbonọ-yinyin towe jẹ aslọ lẹ mẹ.   Dodowiwa towe taidi osó daho lẹ;*+ Whẹdida towe lẹ taidi otọ̀ he gblo bo siso lẹ.+ Jehovah E, hiẹ wẹ nọ pò gbẹtọ po kanlin po dogbẹ̀.*+   Lehe owanyi nugbo towe họakuẹ do sọ,+ Jiwheyẹwhe E! Gbẹtọvi lẹ nọ dín fibẹtado To oyẹ̀ awà towe lẹ tọn glọ.+   Yé nọ nù onú dojó susugege ohọ̀ towe mẹ tọn lẹ gọ́ho,+ Podọ hiẹ nọ hẹn yé nado nù sọn asisa nudagbe towe lẹ tọn mẹ.+   Dè we wẹ asisa ogbẹ̀ tọn te;+ Gbọn hinhọ́n towe dali wẹ míwlẹ sọgan mọ hinhọ́n.+ 10  Zindonukọn to owanyi nugbo towe didohia mẹhe yọ́n we lẹ mẹ,+ Podọ to dodowiwa towe didohia ahunjijlọnọ lẹ mẹ.+ 11  A dike goyitọ tùnafọ ji e blo Kavi alọ mẹylankan tọn yàn mi sẹ̀ blo. 12  Pọ́n fie ylanwatọ lẹ ko jai do; Yé ko yin zinzindai bo ma sọgan fọnṣite.+

Nudọnamẹ Odò Tọn

To paa mẹ, “osó Jiwheyẹwhe tọn lẹ.”
Kavi “nọ whlẹn gbẹtọ po kanlin po gán.”