Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 34:1-22

NUHE E BẸHẸN LẸ

  • Jehovah nọ whlẹn devizọnwatọ etọn lẹ

    • “Mí ni nọpọ́ do ze oyín etọn daga” (3)

    • Angẹli Jehovah tọn nọ basi hihọ́namẹ (7)

    • “Mì dọ́pọ́n bo mọdọ Jehovah yọ́n” (8)

    • ‘Ode to ohú etọn lẹ mẹ ma yin gbigbà’ (20)

Ohàn Davidi tọn, to whenue e yinuwa di alẹ̀nọ+ to Abimẹlẹki nukọn, mẹhe yàn ẹn tọ́n bọ e yì. א [Alẹfi] 34  Yẹn na nọ pà Jehovah to whelẹponu; Pipà etọn na nọ to nùflo ṣie lẹ ji to whepoponu. ב [Bẹti]   Yẹn* na nọ doawagun to Jehovah mẹ;+ Homẹmimiọnnọ na sè bo jaya. ג [Gimẹli]   Mì pagigona Jehovah hẹ mi;+ Mì gbọ mí ni nọpọ́ do ze oyín etọn daga. ד [Dalẹti]   Yẹn hodẹ̀ hlan Jehovah bọ ewọ siọ mi.+ E sọ whlẹn mi sọn obu ṣie lẹpo mẹ.+ ה [He]   Nukunmẹ mẹhe pọ́n ẹn lẹpo tọn wẹ nọ sẹ́; Winyan ma sọgan hù yé. ז [Zayini]   Agbátọnọ ylọ bọ Jehovah sè. Ewọ whlẹn ẹn sọn ayimajai etọn lẹpo mẹ.+ ח [Hẹti]   Angẹli Jehovah tọn nọ dosla lẹdo mẹhe nọ dibusi Jiwheyẹwhe lẹpo,+ Bosọ nọ whlẹn yé gán.+ ט [Teti]   Mì dọ́pọ́n bo mọdọ Jehovah yọ́n;+ Ayajẹnọ wẹ mẹlọ he nọ dín fibẹtado to ewọ mẹ. י [Yodi]   Mì dibusi Jehovah, mì omẹ wiwe etọn lẹpo emi, Na nude ma nọ whèdo mẹhe nọ dibusi i lẹ.+ כ [Kafi] 10  Huvẹ tlẹ sọgan hù kinnikinni winyanwinyan huhlọnnọ lẹ, Ṣigba, nudagbe depope ma na whèdo mẹhe nọ dín Jehovah lẹ.+ ל [Lamẹdi] 11  Visunnu ṣie lẹ emi, mì wá bo dotoaina mi; Yẹn na plọn mì nado nọ dibusi Jehovah.+ מ [Memi] 12  Mẹnu to mì mẹ wẹ yiwanna ogbẹ̀ Bo na jlo nado mọ azán dagbe susu?+ נ [Nuni] 13  To whelọnu lo, họ́ odẹ́ towe sọn oylan mẹ,+ Podọ nùflo towe lẹ sọn oklọ didọ mẹ.+ ס [Samẹki] 14  Gbẹ́ oylan dai bo nọ wà dagbe;+ Dín jijọho bosọ nọ doafọna ẹn.+ ע [Ayini] 15  Nukun Jehovah tọn tin to dodonọ lẹ ji,+ Otó etọn sọ nọ hùn hlan awhágbe yetọn na alọgọ.+ פ [Pe] 16  Ṣigba, nukunmẹ Jehovah tọn jẹagọdo mẹhe to ylanwa lẹ, Nado súnsún oflin yetọn sẹ̀ sọn aigba ji pete.+ צ [Tisade] 17  Dodonọ lẹ dawhá ylọ Jehovah bọ ewọ sè;+ E sọ whlẹn yé sọn ayimajai yetọn lẹpo mẹ.+ ק [Kọfi] 18  Jehovah ma dẹn do mẹhe ahun yetọn jẹflumẹ lẹ;+ E nọ whlẹn ayimajainọ* lẹ.+ ר [Lẹṣi] 19  Susu wẹ awusinyẹn* dodonọ tọn,+ Ṣigba, Jehovah nọ whlẹn ẹn sọn popo mẹ.+ ש [Ṣini] 20  Ewọ nọ to hihọ́-basina ohú etọn lẹpo; Depope to yé mẹ ma yin gbigbà.+ ת [Tau] 21  Nugbajẹmẹji wẹ na hù mẹylankan; Mẹhe gbẹwanna dodonọ lẹ na yin whẹgbledo. 22  Jehovah nọ to ogbẹ̀* devizọnwatọ etọn lẹ tọn fligọ; Mẹdepope he nọ dín fibẹtado to ewọ mẹ ma na yin whẹgbledo.+

Nudọnamẹ Odò Tọn

Kavi “Alindọn ṣie.”
Kavi “mẹhe gbọjọ.”
Kavi “nugbajẹmẹji.”
Kavi “alindọn.”