Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 33:1-22

NUHE E BẸHẸN LẸ

  • Pipà hlan Mẹdatọ

    • “Mì jihàn yọyọ de na ẹn” (3)

    • Jehovah yí ohó po gbigbọ etọn po do dá nulẹ (6)

    • Ayajẹnọ wẹ akọta Jehovah tọn (12)

    • Nukun Jehovah tọn to nupọn (18)

33  Mì dodonọ lẹ emi, mì yí ayajẹ do dawhá, na Jehovah wutu.+ E sọgbe dọ nugbonọ lẹ ni nọ pà ẹ.   Mì nọ yí ajalẹn do dopẹna Jehovah; Mì nọ yí hànjinu he tindo okàn ao do jihàn pipà tọn lẹ hlan ẹn.   Mì jihàn yọyọ de na ẹn;+ Mì nọ yí azọ́nyinyọnẹn do hò hànjinu okànnọ lọ po awhágbe ayajẹ tọn po.   Na nugbo wẹ ohó Jehovah tọn,+ Bọ yè sọgan dejido nuhe e nọ wà lẹpo go.   Ewọ yiwanna dodowiwa po whẹdida dodo po.+ Aigba gọ́ na owanyi nugbo Jehovah tọn.+   Gbọn ohó Jehovah tọn dali wẹ olọn lẹ yin didá,+ Podọ nuhe tin to yé mẹ lẹpo,* gbọn gbigbọ* he tọ́n sọn onù etọn mẹ dali.   E nọ hò osin hùmẹ tọn lẹ pli bọ yé nọ taidi adó de;+ E sọ nọ bẹ agbówhẹn osin tọn lẹ pli do agbànhọ lẹ mẹ.   Mì gbọ aigba pete ni dibusi Jehovah.+ Mì gbọ awú ni ji mẹhe nọ nọ̀ aigba ji lẹ, na ewọ wutu.   Na ewọ nọ dọho, bọ e nọ jọ domọ;+ E nọ degbe, bọ e nọ yinmọ.+ 10  Jehovah ko hẹn ayiha gigẹdẹ* akọta lẹ tọn zun ovọ́;+ Ewọ ko hẹn tito* gbẹtọ lẹ tọn gble.+ 11  Ṣigba, nudide* Jehovah tọn lẹ na nọte kakadoi;+ Linlẹn ayiha etọn mẹ tọn lẹ na gbọṣi aimẹ sọn whẹndo de mẹ jẹ devo mẹ. 12  Ayajẹnọ wẹ akọta lọ he Jiwheyẹwhe etọn yin Jehovah,+ Yèdọ mẹhe ewọ ko de taidi nutindo etọn titi lẹ.+ 13  Jehovah nọ pọ́n odò hlan sọn olọn mẹ; E nọ mọ gbẹtọvi lẹpo.+ 14  Sọn fininọ etọn, E nọ pọ́n mẹhe tin to aigba ji lẹ hlan tlintlin. 15  Ewọ wẹ basi ahun na mẹlẹpo; E nọ gbeje azọ́n yetọn lẹpo pọ́n.+ 16  Ahọlu de ma sọgan whlẹn ede gbọn awhànpa daho etọn dali;+ Sunnu huhlọnnọ de ma sọgan whlẹn ede gbọn huhlọn daho etọn dali.+ 17  Jidide do osọ́ go nado yin whinwhlẹngán* yin ovọ́;+ Yè ma sọgan ganjẹ huhlọn daho etọn go nado họ̀ngán. 18  Pọ́n! Nukun Jehovah tọn tin to mẹhe nọ dibusi i lẹ ji,+ Yèdọ mẹhe nọ nọtepọn owanyi nugbo etọn lẹ, 19  Na ewọ nido whlẹn yé* sọn okú si Bo hẹn yé dogbẹ̀ to huvẹ whenu.+ 20  Míwlẹ* to nukundo Jehovah. Ewọ wẹ alọgọtọ po awọ̀yinu mítọn po.+ 21  Mí nọ jaya to ewọ mẹ, Na mí dejido oyín wiwe etọn go wutu.+ 22  Jehovah E, na owanyi nugbo towe ni tin to mí ji,+ Dile míwlẹ na to tepọn we.+

Nudọnamẹ Odò Tọn

To paa mẹ, “awhànpa yetọn lẹpo.”
Kavi “gbọfufu.”
Kavi “ayinamẹ.”
Kavi “linlẹn.”
Kavi “ayinamẹ.”
Kavi “nado gbawhàn.”
Kavi “alindọn yetọn.”
Kavi “Alindọn mítọn.”