Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 32:1-11

NUHE E BẸHẸN LẸ

  • Ayajẹnọ wẹ mẹhe yè jona lẹ

    • “Yẹn yigbe ylando ṣie tọn” (5)

    • Jiwheyẹwhe na na we wuntuntun (8)

Ohàn Davidi tọn. Maskili.* 32  Ayajẹnọ wẹ mẹhe sẹ́nhẹngba etọn yin jijona ẹn, mẹhe ylando etọn yin nuṣinyọndo.*+   Ayajẹnọ wẹ mẹhe Jehovah ma hia whẹhuhu dokọna,+ Ayilinlẹn mẹhe tọn mẹ oklọ ma tin te.   Whenue yẹn nabọẹ, ohú ṣie lẹ lẹzun madogánnọ, na hunwinwẹn mapote to azán lọ pete ji wutu.+   Na alọ* towe nọ pẹ̀n do ji e to okle po ozán po.+ Huhlọn ṣie nọ busẹ taidi osin to yozò sinsinyẹn alunlun tọn mẹ. (Sela)   To godo mẹ, yẹn yigbe ylando ṣie tọn na we; Yẹn masọ ṣinyọnnudo nuṣiwa ṣie.+ Yẹn dọmọ: “N’na yigbe sẹ́nhẹngba ṣie lẹ tọn na Jehovah.”+ Hiẹ sọ jo nuṣiwa po ylando ṣie lẹ po na mi.+ (Sela)   Ehe wutu wẹ nugbonọ lẹpo na nọ hodẹ̀ hlan we+ To whenue hiẹ sọgan gbẹ́ yin mimọ.+ To whenẹnu, singigọ lẹ ma tlẹ na nọ wá e dè.   Fiwhiwhlá de wẹ hiẹ yin na mi; Hiẹ na nọ basi hihọ́na mi sọn ayimajai mẹ.+ Hiẹ na yí awhágbe ayajẹ tundote tọn lẹ do lẹdo mi pé.+ (Sela)   Hiẹ dọmọ: “Yẹn na na we wuntuntun bo na plọn we aliho he hiẹ dona gbọn.+ Yẹn na ze nukun ṣie do ji we bo na na we ayinamẹ.+   A hẹn dewe tin taidi osọ́ kavi otlò* de he ma yọnnuin blo,+ Ehe tasinsinyẹn etọn dona nọ yin anadena gbọn ajà kavi gàndidonùna ẹn dali Whẹpo e nado wá sẹpọmẹ.” 10  Susu wẹ awufiẹsa mẹylankan lẹ tọn; Ṣigba, mẹhe dejido Jehovah go nọ yin lilẹdope gbọn owanyi nugbo Etọn dali.+ 11  Mì jaya to Jehovah mẹ bo hùnhomẹ, mì dodonọ lẹ emi; Mì yí ayajẹ do dawhá, mì ahunjijlọnọ lẹpo emi.

Nudọnamẹ Odò Tọn

Pọ́n Zẹm.
Kavi “jijona.”
Kavi “homẹgble.”
Kanlin de he taidi kẹtẹkẹtẹ bo nọ yin jiji eyin kẹtẹkẹtẹ asu hẹ osọ́ asi.