Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 31:1-24

NUHE E BẸHẸN LẸ

  • Fibẹtado dindin to Jehovah mẹ

    • “Yẹn ze gbigbọ ṣie do alọ towe mẹ” (5)

    • “Jiwheyẹwhe nugbo tọn” (5)

    • Dagbewà Jiwheyẹwhe tọn sù (19)

Na anademẹtọ hànjitọ lẹ tọn. Ohàn Davidi tọn. 31  Jehovah E, hiẹ mẹ wẹ yẹn ko dín fibẹtado te.+ A dike n’duwinyan gbede blo.+ Whlẹn mi, na dodowiwa towe wutu.+   Lẹ́ otó towe* hlan mi. Yawu wá whlẹn mi.+ Lẹzun osó gángán de na mi, Yèdọ figángán de nado whlẹn mi.+   Na hiẹ wẹ awinyan po figángán ṣie po;+ Hiẹ na plan mi bo deanana mi,+ na oyín towe wutu.+   Hiẹ na de mi sọn odọ̀ he yé tá do nuglọ na mi mẹ,+ Na hiẹ wẹ fibẹtado ṣie.+   Alọ towe mẹ wẹ yẹn ze gbigbọ ṣie do.+ Jehovah Jiwheyẹwhe nugbo tọn* E, hiẹ ko fli mi gọ̀.+   Yẹn gbẹwanna mẹhe nọ ze yede jo na boṣiọ ovọ́ tata lẹ, Ṣigba na yẹn tọn, yẹn nọ dejido Jehovah go.   Yẹn na nọ jaya taun, na owanyi nugbo towe wutu, Na hiẹ ko mọ yajiji ṣie;+ Hiẹ yọ́n ayimajai ahun ṣie mẹ tọn.*   Hiẹ ma ze mi do alọ kẹntọ tọn mẹ, Ṣigba, hiẹ hẹn mi ṣite to hihọ́tẹn* de.   Jehovah E, do nukundagbe hia mi, na yẹn tin to ayimajai mẹ. Awufiẹsa ko hẹn nukun ṣie dózin+ bọ agbasa ṣie blebu* ko sọ ba huhlọn pò.+ 10  Gbẹzan ṣie gọ́ na awubla+ Podọ owhe gbẹninọ ṣie tọn lẹ gọ́ na hunwinwẹn.+ Huhlọn ṣie to didepo na nuṣiwa ṣie wutu; Ohú ṣie lẹ masọ ló ba.+ 11  Kẹntọ ṣie lẹpo wẹ nọ ṣàn mi kò,+ Titengbe kọmẹnu ṣie lẹ. Mẹyinyọnẹn ṣie lẹ nọ sẹ̀ yede wún do mi; Eyin yé mọ mi to tòhomẹ, yé nọ họ̀nna mi.+ 12  Yé ko de mi sọn ayiha yetọn mẹ bo wọn mi, taidi dọ n’ko kú wẹ nkọ; N’taidi ozẹ́n gbigbà de. 13  Yẹn ko sè ohó ylankan susu he yin didọ do go e; Obu kẹdẹ wẹ lẹdo mi pé.+ Whenue yé bẹ yede pli dopọ do ji e, Yé nọ kàn ayiha gigẹdẹ nado hù mi.*+ 14  Ṣigba, hiẹ go wẹ yẹn dejido, Jehovah E.+ Yẹn nọ lá dọ: “Hiẹ wẹ Jiwheyẹwhe ṣie.”+ 15  Ogbẹ̀ ṣie tin to alọ towe mẹ. Whlẹn mi sọn alọ kẹntọ ṣie lẹ po mẹhe to homẹkẹndo mi lẹ po tọn mẹ.+ 16  Hẹn nukunmẹ towe sẹ́ do devizọnwatọ towe ji.+ Whlẹn mi gán to owanyi nugbo towe mẹ. 17  Jehovah E, a dike n’duwinyan to whenue n’dawhá ylọ we blo.+ Na mẹylankan lẹ ni duwinyan;+ Yé ni yin hinhẹn nabọẹ to Yọdò* mẹ.+ 18  Na nùflo he to lalodo lẹpo ni zun unbọpẹnnọ,+ Yèdọ nùflo he nọ gbọn goyiyi dali yí sakla po vlẹko po do dọho sọta dodonọ lẹ. 19  Lehe dagbewà towe sù do sọ!+ Hiẹ ko hlá ẹ dai na mẹhe nọ dibusi we lẹ,+ Podọ hiẹ ko do e hia mẹhe nọ dín fibẹtado to hiẹ mẹ lẹ, to gbẹtọ lẹpo nukọn.+ 20  Hiẹ na whlá yé do dè we to fiwhiwhlá towe+ Sọn ayiha gigẹdẹ gbẹtọ lẹ tọn si; Hiẹ na whlá yé do hihọ́tẹn towe Sọn mẹgbeyinyan sinsinyẹn si.+ 21  Jehovah ni yin pipà, Na ewọ ko do owanyi nugbo etọn hia mi+ to aliho he jiawu mẹ to tòdaho he yè dosla lẹdo de mẹ.+ 22  Na yẹn tọn, ayiha ṣie ko gbàdo bọ n’dọmọ: “Yẹn na dọ̀n to nukọn towe.”+ Ṣigba, hiẹ sè ovẹ̀ ṣie lẹ na alọgọ to whenue yẹn dawhá ylọ we.+ 23  Mì yiwanna Jehovah, mì mẹhe yin nugbonọ na ẹn lẹpo!+ Jehovah nọ basi hihọ́na nugbonọ lẹ,+ Ṣigba, ewọ nọ suahọ mẹhe nọ yinuwa po sakla po lẹpo to aliho sinsinyẹn mẹ.+ 24  Mì gboadọ bo gbọ ahun mìtọn ni lodo,+ Mì mẹhe to tepọn Jehovah lẹpo emi.+

Nudọnamẹ Odò Tọn

Kavi “Dẹ́ hlan odò bo dotoai.”
Kavi “Jiwheyẹwhe nugbonọ.”
Kavi “ayimajai alindọn ṣie tọn lẹ.”
Kavi “fihe gblo.”
Kavi “alindọn ṣie po adọ̀go ṣie po.”
Kavi “alindọn ṣie.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.