Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 30:1-12

NUHE E BẸHẸN LẸ

  • Aluẹmẹninọ diọ zun ayajẹ

    • Nukundagbe Jiwheyẹwhe tọn nọ dẹn na gbẹwhenu (5)

Ohàn ohọ̀ lọ hùnhùn tọn. Ohàn Davidi tọn. 30  Jehovah E, yẹn na nọ ze we daga, na hiẹ ko ze mi fọ́n; Hiẹ ma dike kẹntọ ṣie lẹ jaya do ji e.+   Jehovah Jiwheyẹwhe ṣie E, yẹn dawhá ylọ we na alọgọ bọ hiẹ hẹnazọ̀ngbọna mi.+   Jehovah E, hiẹ ko ze mi* daga sọn Yọdò* mẹ.+ Hiẹ hẹn mi dogbẹ̀; a hlá mi dai ma nado tlọ biọ odò* lọ mẹ.+   Mì jihàn pipà tọn lẹ hlan Jehovah, mì nugbonọ etọn lẹ emi,+ Mì pà oyín* wiwe etọn;+   Na tintin to homẹgble etọn glọ nọ dẹn na ojlẹ gli de poun,+ Ṣigba, tintin to nukundagbe* etọn mẹ nọ dẹn na gbẹwhenu blebu.+ Avi sọgan wá to whèjai, ṣigba awhágbe ayajẹ tọn wẹ na tin to afọnnu.+   Whenue ayiha ṣie vò, n’dọmọ: “Yẹn ma na yin tẹnsẹna gbede.”*   Jehovah E, whenue yẹn gbẹ́ pò to nukundagbe* towe mẹ, hiẹ hẹn mi yin huhlọnnọ taidi osó de.+ Ṣigba, whenue hiẹ whlá nukunmẹ towe, ahun ṣie gbàdo.+   Jehovah E, hiẹ wẹ n’to awhádo ylọ mapote;+ Jehovah wẹ n’sọ to vivẹ̀ na nukundagbe.   Ale tẹwẹ to okú* ṣie mẹ, yèdọ eyin yẹn jẹte yì odò* lọ mẹ?+ Be kọ́gudu na pà we wẹ?+ Be e na dọho gando nugbonọ-yinyin towe go wẹ?+ 10  Jehovah E, dotoaina mi bo do nukundagbe hia mi.+ Jehovah E, lẹzun alọgọtọ ṣie.+ 11  Hiẹ ko diọ aluẹmẹninọ ṣie zun wedudu; Hiẹ ko de odẹ́vọ̀ ṣie, bo yí ayajẹ ṣinyọ́n na mi, 12  Na yẹn* nido jihàn pipà towe tọn bo ma na donù abọẹ. Jehovah Jiwheyẹwhe ṣie E, yẹn na nọ pà we kakadoi.

Nudọnamẹ Odò Tọn

Kavi “alindọn ṣie.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “yọdò.”
To paa mẹ, “oflin.”
Kavi “ojlo dagbe.”
Kavi “ma na mùsà (dahli) gbede.”
Kavi “ojlo dagbe.”
To paa mẹ, “ohùn.”
Kavi “yọdò.”
Kavi “gigo ṣie.”