Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 29:1-11

NUHE E BẸHẸN LẸ

  • Ogbè huhlọnnọ Jehovah tọn

    • Sẹ̀n to aṣọ́donu wiwe mẹ (2)

    • ‘Ogbè Jiwheyẹwhe tọn dọnú di hẹviosò’ (3)

    • Jehovah nọ na huhlọn omẹ etọn lẹ (11)

Ohàn Davidi tọn. 29  Mì na Jehovah nuhe ewọ jẹna, mì visunnu huhlọnnọ lẹ tọn, Mì na Jehovah nuhe ewọ jẹna, na gigo po huhlọn etọn po wutu.+   Mì na Jehovah gigo he oyín etọn jẹna. Mì dẹ́ do odò* na Jehovah to aṣọ́donu wiwe mẹ.*   Ogbè Jehovah tọn nọ yin sisè to osin lẹ ji; Ogbè Jiwheyẹwhe gigonọ lọ tọn nọ dọnú taidi hẹviosò.+ Jehovah tin to osin susu ji.+   Ogbè Jehovah tọn dohuhlọn;+ Ogbè Jehovah tọn jiawu.   Ogbè Jehovah tọn nọ wẹ́n kedali lẹ; Mọwẹ, Jehovah nọ hányán kedali Lẹbanọni tọn lẹ.+   E nọ hẹn Lẹbanọni* nado lọ́n pé taidi oyìnvu, Podọ Silioni+ nado lọ́n pé taidi oyìnsú winyanwinyan gbémẹ tọn.   Ogbè Jehovah tọn nọ tọ́njẹgbonu po miyọ́n he to jiji de po;+   Ogbè Jehovah tọn nọ hẹn danfafa sisọ;+ Jehovah nọ hẹn danfafa Kadẹṣi+ tọn sisọ.   Ogbè Jehovah tọn nọ hẹn agbanlin sisọ bọ e nọ jivi Podọ e nọ hẹn zungbo lẹ jẹvọ́.+ Mẹhe tin to tẹmpli etọn mẹ lẹpo sọ nọ dọmọ: “Gigo na Jiwheyẹwhe!” 10  Jehovah sinai to ofìn etọn ji to aga na singigọ lẹ;+ Jehovah sinai to ofìn etọn ji taidi Ahọlu kakadoi.+ 11  Jehovah na na huhlọn omẹ etọn lẹ.+ Jehovah na yí jijọho do dona omẹ etọn lẹ.+

Nudọnamẹ Odò Tọn

Kavi “basi sinsẹ̀n.”
Kavi vlavo, “na whanpẹ daho wiwe-yinyin etọn tọn wutu.”
E họnwun dọ ehe to alọdlẹndo lẹdo osó tọn Lẹbanọni tọn.