Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 27:1-14

NUHE E BẸHẸN LẸ

  • Jehovah, figángán ṣie

    • Pinpẹn nutọn na tẹmpli Jiwheyẹwhe tọn (4)

    • Jehovah nọ penukundomẹgo eyin mẹjitọ lẹ ma wàmọ (10)

    • ‘Ze todido do Jehovah mẹ’ (14)

Ohàn Davidi tọn. 27  Jehovah wẹ hinhọ́n+ po whlẹngán ṣie po. Mẹnu wẹ yẹn na dibuna?+ Jehovah wẹ figángán ṣie.+ Mẹnu wẹ na dobuna mi?   To whenue mẹylankan lẹ yangbé ṣie nado hù mi,+ Mẹgbeyantọ ṣie lẹ po kẹntọ ṣie lẹ po wẹ dahli bo jai.   Eyin awhànpa de tlẹ dosla lẹdo mi, Ahun ṣie ma na gbàdo.+ Eyin yè tlẹ tọ́nawhàn mi, Yẹn na deji, etlẹ yin to ojlẹ enẹ mẹ.   Onú dopo wẹ yẹn ko biọ Jehovah —Enẹ wẹ yẹn na to dindin— Dọ yẹn ni nọ nọ̀ ohọ̀ Jehovah tọn mẹ to gbẹzan ṣie lẹpo mẹ,+ Nado nọ to whanpẹ Jehovah tọn pọ́n Podọ nado nọ to tẹmpli etọn pọ́n po pinpẹn-nutọn-yinyọnẹn po.+   Na ewọ na whlá mi do hihọ́tẹn etọn to azán nugbajẹmẹji tọn gbè;+ Ewọ na yí mi whlá do fiwhiwhlá gòhọ etọn tọn mẹ;+ Osé ji aga wẹ ewọ na ze mi do.+   Todin, ota ṣie yin zizedaga hú kẹntọ ṣie he lẹdo mi pé lẹ tọn; Yẹn na yí awhágbe ayajẹ tọn do sanvọ́ to gòhọ etọn mẹ; Yẹn na jihàn pipà tọn lẹ hlan Jehovah.   Dotoaina mi, Jehovah E, whenue yẹn dawhá ylọ we;+ Do nukundagbe hia mi bo siọ mi.+   Ahun ṣie ko dọ gbedide towe dọmọ: “Mì dín nado mọ nukunmẹ ṣie.” Nukunmẹ towe wẹ yẹn na dín nado mọ, Jehovah E.+   A whlá nukunmẹ towe do mi blo.+ A yí homẹgble towe do lẹkọna devizọnwatọ towe blo. Hiẹ wẹ alọgọtọ ṣie;+ A gbẹ́ mi dai kavi jo mi do blo, Jiwheyẹwhe whlẹngántọ ṣie. 10  Eyin otọ́ ṣie po onọ̀ ṣie po tlẹ gbẹ́ mi dai,+ Jehovah uwọ na yí mi.+ 11  Plọn mi do aliho towe ji, Jehovah E,+ Plan mi gbọn ali dodowiwa tọn ji, na kẹntọ ṣie lẹ wutu. 12  A ze mi do alọ mẹgbeyantọ ṣie lẹ tọn* mẹ blo,+ Na kunnudetọ lalo lẹ ko fọ́n do ji e,+ Yé ko sọ yí danuwiwa do to budona mi. 13  Fie wẹ yẹn na ko te eyin n’ma tindo yise Dọ n’na mọ dagbewà Jehovah tọn to whenue n’gbẹ́ togbẹ̀?*+ 14  Ze todido towe do Jehovah mẹ;+ Yin adọgbotọ bo hẹn ahun towe lodo.+ Mọwẹ, ze todido towe do Jehovah mẹ.

Nudọnamẹ Odò Tọn

Kavi “jo na alindọn mẹgbeyantọ ṣie lẹ tọn.”
Kavi vlavo, “Na taun tọn, n’tindo yise dọ n’na mọ dagbewà Jehovah tọn to whenue n’gbẹ́ togbẹ̀.”