Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 26:1-12

NUHE E BẸHẸN LẸ

  • Zọnlinzinzin to tenọgli mẹ

    • “Dindona mi, Jehovah E” (2)

    • Didapana gbẹdido ylankan (4, 5)

    • ‘Yẹn na nọ lẹdo agbà Jiwheyẹwhe tọn’ (6)

Ohàn Davidi tọn. 26  Dawhẹna mi, Jehovah E, na yẹn ko zinzọnlin to tenọgli ṣie mẹ;+ Yẹn ko dejido Jehovah go bo ma tindo ayihaawe.+   Dindona mi, Jehovah E, bo whlé mi pọ́n; Klọ́ linlẹn ṣie he whlá lẹ* po ahun ṣie po wé.+   Na owanyi nugbo towe nọ tin to nukọn ṣie whepoponu, Bọ yẹn nọ zinzọnlin to nugbo towe mẹ.+   Yẹn ma nọ dogbẹ́* hẹ mẹklọtọ lẹ,+ Podọ yẹn nọ dapana mẹhe nọ whlá nuhe yé yin lẹ.*   Yẹn gbẹwanna ogbẹ́ ylanwatọ lẹ tọn,+ Bosọ gbẹ́ nado dogbẹ́* hẹ mẹylankan lẹ.+   Yẹn na klọ́ alọ ṣie lẹ wé to homẹvọ mẹ, Yẹn nasọ nọ zinzọnlin lẹdo agbà towe pé, Jehovah E,   Na pẹdido ṣie nido yin sisè+ Podọ nado lá azọ́njiawu towe lẹpo.   Jehovah, yẹn yiwanna ohọ̀ he mẹ hiẹ nọ nọ̀,+ Yèdọ fihe gigo towe nọ nọ̀.+   A sukúndona mi* hẹ ylanwatọ lẹ blo+ Kavi a yí ogbẹ̀ ṣie dopọ hẹ danuwatọ* lẹ blo, 10  Yèdọ mẹhe nọ yí alọ yetọn zan na walọ he huwinyan lẹ, Podọ mẹhe adusilọ yetọn gọ́ na alọgodo-kuẹ lẹ. 11  Ṣigba na yẹn tọn, yẹn na nọ zinzọnlin to tenọgli ṣie mẹ. Whlẹn mi* bo do nukundagbe hia mi. 12  Afọ ṣie ṣite to aigba jijlọ ji;+ Agun daho* ṣẹnṣẹn wẹ yẹn na nọ pà Jehovah te.+

Nudọnamẹ Odò Tọn

Kavi “Klọ́ numọtolanmẹ sisosiso ṣie lẹ.” To paa mẹ, “Klọ́ ayi ṣie lẹ.”
To paa mẹ, “sinai.”
Kavi “yẹn ma nọ kọnawudopọ hẹ yẹnuwatọ lẹ.”
To paa mẹ, “sinai.”
Kavi “alindọn ṣie.”
Kavi “hùnsọndaitọ.”
To paa mẹ, “Fli mi gọ̀.”
To paa mẹ, “Mẹplidopọ lẹ.”