Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 25:1-22

NUHE E BẸHẸN LẸ

  • Odẹ̀ na anademẹ po jona po

    • “Plọn mi ali towe lẹ” (4)

    • ‘Jihọntọn hẹ Jehovah’ (14)

    • “Jo ylando ṣie lẹpo na mi” (18)

Ohàn Davidi tọn. א [Alẹfi] 25  Jehovah E, dè we wẹ yẹn lẹhlan.* ב [Bẹti]   Jiwheyẹwhe ṣie, hiẹ go wẹ yẹn dejido;+ A dike n’duwinyan blo.+ A dike kẹntọ ṣie lẹ jẹaglin do ji e blo.+ ג [Gimẹli]   E họnwun dọ winyan ma na hù mẹdepope he ze todido etọn do hiẹ mẹ,+ Ṣigba, winyan na hù mẹhe nọ yinuwa po oklọ po matin whẹwhinwhẹ́n lẹ.+ ד [Dalẹti]   Jehovah E, hẹn mi yọ́n aliho towe lẹ;+ Plọn mi ali towe lẹ.+ ה [He]   Hẹn mi nado nọ zinzọnlin to nugbo towe mẹ, bo plọn mi,+ Na hiẹ wẹ Jiwheyẹwhe whlẹngántọ ṣie. ו [Wau] Hiẹ mẹ wẹ yẹn nọ ze todido ṣie do to azán lọ pete ji. ז [Zayini]   Jehovah E, flin lẹblanu towe po owanyi nugbo towe po,+ Ehe hiẹ nọ dohia to whepoponu.*+ ח [Hẹti]   A flin ylando jọja whenu ṣie tọn lẹ po sẹ́nhẹngba ṣie lẹ po blo. Flin mi sọgbe hẹ owanyi nugbo towe,+ Na dagbewà towe wutu, Jehovah E.+ ט [Teti]   Jehovah yọ́n bosọ yin dodonọ.+ Enẹ wẹ zọ́n bọ ewọ do nọ plọn ylandonọ lẹ aliho he ji yé dona gbọn.+ י [Yodi]   Ewọ na deanana homẹmimiọnnọ to nuhe sọgbe wiwà mẹ,*+ Bo nasọ plọn aliho etọn homẹmimiọnnọ lẹ.+ כ [Kafi] 10  Ali Jehovah tọn lẹpo zẹẹmẹdo owanyi nugbo po nugbonọ-yinyin po Na mẹhe nọ yìn alẹnu etọn+ bo nọ setonuna nuflinmẹ etọn lẹ.+ ל [Lamẹdi] 11  Jehovah E, na oyín towe tọn wutu,+ Jo nuṣiwa ṣie na mi, mahopọnna dọ e klo. מ [Memi] 12  Mẹnu wẹ mẹlọ he nọ dibusi Jehovah?+ Jiwheyẹwhe na plọnnu in gando aliho he ewọ dona de go.+ נ [Nuni] 13  Ewọ* na mọ dagbe yí,+ Kúnkan* etọn lẹ nasọ dugu aigba tọn.+ ס [Samẹki] 14  Mẹhe nọ dibusi Jehovah lẹ wẹ nọ jihọntọn pẹkipẹki hẹ ẹ,+ Podọ e nọ hẹn alẹnu etọn zun yinyọnẹn na yé.+ ע [Ayini] 15  Nukun ṣie lẹ nọ lẹhlan Jehovah to whelẹponu,+ Na ewọ na de afọ ṣie sọn odọ̀ mẹ.+ פ [Pe] 16  Lilẹ́ ayidonugo towe hlan dè e bo do nukundagbe hia mi, Na yẹn to ṣokẹdẹ bo ma tindo alọgọtọ de. צ [Tisade] 17  Ayimajai ṣie lẹ ko sudeji;+ De mi sọn awufiẹsa ṣie mẹ. ר [Lẹṣi] 18  Pọ́n oyà he ji n’te po tukla ṣie po,+ Bo jo ylando ṣie lẹpo na mi.+ 19  Pọ́n lehe kẹntọ ṣie lẹ sù do Podọ lehe yé gbẹwanna mi sinsinyẹn do. ש [Ṣini] 20  Basi hihọ́na ogbẹ̀ ṣie* bo whlẹn mi.+ A dike n’duwinyan blo, na yẹn ko dín fibẹtado to hiẹ mẹ. ת [Tau] 21  Na tenọgli po dodowiwa po ni basi hihọ́na mi,+ Na todido ṣie tin to hiẹ mẹ.+ 22  Jiwheyẹwhe E, whlẹn Islaeli* sọn ayimajai etọn lẹpo mẹ.

Nudọnamẹ Odò Tọn

Kavi “ze alindọn ṣie daga hlan.”
Kavi “Ehe ko tin sọn hohowhenu.”
To paa mẹ, “to whẹdida mẹ.”
Kavi “Alindọn etọn.”
To paa mẹ, “Okún.”
Kavi “alindọn ṣie.”
To paa mẹ, “fli Islaeli gọ̀.”