Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 23:1-6

NUHE E BẸHẸN LẸ

  • “Jehovah wẹ Lẹngbọhọtọ ṣie”

    • ‘Yẹn ma na jẹdò nude tọn’ (1)

    • “E nọ fakọna mi” (3)

    • “Kọfo ṣie gọfla” (5)

Ohàn Davidi tọn. 23  Jehovah wẹ Lẹngbọhọtọ ṣie.+ Yẹn ma na jẹdò nudepope tọn.+   E nọ hẹn mi mlọnai to fie amakikọ sù te; E nọ plan mi yì gbọjẹtẹn he gọ́ na osin.+   E nọ fakọna mi.*+ E nọ plan mi gbọn ali dodowiwa tọn lẹ ji na oyín etọn wutu.+   Eyin n’tlẹ to zọnlinzin gbọn agbàdo zinvlu gọ́ngọ́n tọn mẹ,+ N’ma na dibuna owù depope,+ Na hiẹ tin hẹ mi;+ Opò towe po aglọpò towe po nọ vọ́ jide na mi.*   Hiẹ tẹ́ tafo de dai na mi to kẹntọ ṣie lẹ nukọn.+ Hiẹ kọ̀n amì do ota na mi;+ Kọfo ṣie sọ gọfla.+   Na nugbo tọn, dagbewà po owanyi nugbo po na nọ dómọna mi to gbẹzan ṣie lẹpo mẹ,+ Yẹn nasọ nọ nọ̀ ohọ̀ Jehovah tọn mẹ dile n’na togbẹ̀ dẹnsọ.+

Nudọnamẹ Odò Tọn

Kavi “alindọn ṣie.”
Kavi “nọ miọnhomẹna mi.”