Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 20:1-9

NUHE E BẸHẸN LẸ

  • Whlẹngán na ahọlu he Jiwheyẹwhe de

    • Mẹdelẹ nọ ganjẹ osọ́-kẹkẹ po osọ́ po go, ‘ṣigba míwlẹ nọ dawhá ylọ Jehovah’ (7)

Na anademẹtọ hànjitọ lẹ tọn. Ohàn Davidi tọn. 20  Na Jehovah ni siọ we to azán ayimajai tọn gbè. Podọ oyín Jiwheyẹwhe Jakọbu tọn ni basi hihọ́na we.+   Na ewọ ni do alọgọ hlan we sọn ofi wiwe lọ+ Bo hẹn we dogbẹ̀ sọn Ziọni.+   Na ewọ ni flin avọ́nunina towe lẹpo; Na e ni yí nukundagbe do kẹalọyi avọ́nunina mimẹ̀ towe. (Sela)   Na ewọ ni na we ojlo ahun towe mẹ tọn lẹ+ Bo hẹn tito* towe lẹpo tindo kọdetọn dagbe.   Mí na yí ayajẹ do dawhá, na azọ́n whlẹngán tọn towe lẹ wutu;+ Mí na ze ohia mítọn lẹ daga to oyín Jiwheyẹwhe mítọn tọn mẹ.+ Na Jehovah ni hẹn obiọ towe lẹpo di.   Todin, n’yọnẹn dọ Jehovah nọ whlẹn mẹyiamisisadode etọn.+ E nọ siọ ẹ sọn olọn wiwe etọn mẹ Bo nọ yí adusilọ etọn do wleawuna whlẹngán daho.*+   Mẹdelẹ nọ ganjẹ osọ́-kẹkẹ lẹ go bọ mẹdevo lẹ nọ ganjẹ osọ́ lẹ go,+ Ṣigba, míwlẹ nọ dawhá ylọ oyín Jehovah Jiwheyẹwhe mítọn tọn.+   Yewlẹ ko họ́ bo jai, Ṣigba, míwlẹ ko fọ́n bo ko yin gigọ̀ do otẹn mítọn mẹ.+   Jehovah E, whlẹn ahọlu lọ!+ Ewọ na siọ mí to azán he gbè mí na dawhá ylọ ẹ na alọgọ.+

Nudọnamẹ Odò Tọn

Kavi “ayinamẹ.”
Kavi “awhàngbigba lẹ.”