Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 2:1-12

NUHE E BẸHẸN LẸ

  • Jehovah po mẹyiamisisadode etọn po

    • Jehovah kò akọta lẹ (4)

    • Jehovah ze ahọlu etọn do ofìn ji (6)

    • Gbògbéna visunnu lọ (12)

2  Naegbọn akọta lẹ do to bẹwlu mẹ Bọ gbẹtọ lẹ do to nuhlundọ* gando onú ovọ́ go?+   Ahọlu aigba ji tọn lẹ fọnṣite Bọ ahọluzọnwatọ nukundeji lẹ bẹ yedelẹ pli+ Sọta Jehovah podọ sọta mẹyiamisisadode* etọn.+   Yé dọ dọ: “Mì gbọ mí ni wẹ́n gẹdẹ yetọn Bo bẹ okàn yetọn lẹ dlan!”   Mẹhe tin to ofìn ji to olọn mẹ lọ na konu; Jehovah na ṣàn yé kò.   To ojlẹ enẹ mẹ, ewọ na dọhona yé to homẹgble etọn mẹ Bo na dobuna yé to homẹgble sinsinyẹn etọn mẹ,   Dọmọ: “Yẹnlọsu wẹ ze ahọlu ṣie+ Do Ziọni,+ osó wiwe ṣie ji.”   Gbọ yẹn ni lá gbedide Jehovah tọn; Ewọ dọna mi dọ: “Hiẹ wẹ visunnu ṣie;+ Yẹn ko lẹzun otọ́ towe to egbé.+   Biọ mi, yẹn nasọ na we akọta lẹ taidi ogú Bo na yí opodo aigba tọn lẹ na we taidi nutindo.+   Hiẹ na yí ogánpò ogànnọ de do gbà yé hányán,+ Bo nasọ gídí yé di zẹ́nkla.”+ 10  Enẹwutu, mì ahọlu lẹ emi, mì do zinzin hia; Mì kẹalọyi wọhẹ, mì whẹdatọ aigba ji tọn lẹ. 11  Mì sẹ̀n Jehovah po budisi po, Bosọ jaya po sisi sisosiso po. 12  Mì gbògbéna* visunnu lọ,+ na Jiwheyẹwhe nikaa gblehomẹ Bọ mìwlẹ na yin vivasudo sọn aliho lọ ji,+ Na homẹgble Etọn sọgan yawu fọ́n. Ayajẹnọ wẹ mẹdepope he yí Ewọ do basi fibẹtado etọn.

Nudọnamẹ Odò Tọn

Kavi “to ayihamẹlẹnpọn.”
Kavi “Klisti.”
To paa mẹ, “donùnùgo na.”