Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 18:1-50

NUHE E BẸHẸN LẸ

  • Jiwheyẹwhe pipà na whlẹngán etọn

    • ‘Jehovah wẹ awinyan ṣie’ (2)

    • Jehovah nọ yin nugbonọ na nugbonọ lẹ (25)

    • Pipé wẹ aliho Jiwheyẹwhe tọn (30)

    • “Whiwhẹ towe nọ ze mi daga” (35)

Na anademẹtọ hànjitọ lẹ tọn. Gbọn Davidi devizọnwatọ Jehovah tọn dali, mẹhe pà hogbe ohàn ehe tọn lẹ na Jehovah to azán he gbè Jehovah whlẹn ẹn sọn alọ kẹntọ etọn lẹpo tọn mẹ podọ sọn alọ Sauli tọn mẹ. E dọmọ:+ 18  Jehovah, huhlọn ṣie E, yẹn yiwanna we.+   Jehovah wẹ awinyan po figángán ṣie po, podọ Ewọ wẹ nọ whlẹn mi gán.+ Jiwheyẹwhe ṣie wẹ osé ṣie,+ mẹhe mẹ yẹn nọ dín fibẹtado te, Awọ̀yinu ṣie po azò* whlẹngán ṣie tọn po, yèdọ fibẹtado ṣie he tindo hihọ́.*+   Yẹn dawhá ylọ Jehovah, yèdọ mẹhe jẹna pipà, Yẹn nasọ yin whinwhlẹngán sọn kẹntọ ṣie lẹ si.+   Okàn okú tọn lẹ ko lẹdo mi;+ Nuvọ́nọ lẹ to budona mi taidi singigọ he to zingidi ji.+   Okàn Yọdò* tọn lẹ lẹdo mi pé; Yẹn pannukọn omọ̀ okú tọn lẹ.+   To ayimajai ṣie mẹ, yẹn dawhá ylọ Jehovah, Yẹn to awhádo ylọ Jiwheyẹwhe ṣie na alọgọ. Ewọ sè ogbè ṣie sọn tẹmpli etọn mẹ,+ Awhágbe ṣie na alọgọ sọ jẹ otó etọn mẹ.+   To whenẹnu, aigba jẹ whinwhàn ji bosọ to sisọsisọ;+ Dodonu osó lẹ tọn sọ sisọ Bo to whinwhàn yigodo yinukọn, na yè ko hẹn homẹgble e wutu.+   Azọ̀ tì sọn awọntinslo etọn lẹ mẹ, Podọ miyọ́n nuvasudotọ de tọ́n sọn onù etọn mẹ;+ Akán miyọ́nawu lẹ sọ wá sọn e dè.   Ewọ hẹn olọn lẹ nado dẹ́, dile e to tejẹ,+ Zinvlu gọ́ngọ́n sọ tin to afọ etọn lẹ glọ.+ 10  E hẹ kelubimi de ji bo zlọn wá.+ Ewọ dlí wá odò to awà nudida gbigbọnọ de* tọn lẹ ji.+ 11  Enẹgodo, e yí zinvlu do ṣinyọ́n ede,+ Bo yí i do basi bẹtẹn de lẹdo ede pé, To osin he dózin lẹ po aslọ titli lẹ po mẹ.+ 12  Hinhọ́n he to nukọn etọn mẹ wẹ Kẹ́njikun po akán he to jiji lẹ po nọ wá sọn gbọn aslọ lẹ mẹ. 13  Whenẹnu, ogbè Jehovah tọn jẹ núdọ ji to olọn mẹ taidi hẹviosò;+ Gigogán lọ hẹn ogbè etọn nado yin sisè+ Sọn kẹ́njikun lẹ po akán he to jiji lẹ po mẹ. 14  E de ogá etọn lẹ bo gbà yé do;+ E hẹn abì etọn nado gbòdlán bo hẹn yé biọ bẹwlu mẹ.+ 15  Otọ̀-sabọ* lẹ yin mimọ;+ Nugbẹnamẹ towe hùngona dodonu aigba tọn lẹ, Jehovah E, Gbọn huhlọn gbọfufu he nọ tọ́n sọn awọntinslo towe lẹ mẹ tọn dali.+ 16  Ewọ dlẹnalọ etọn sọn aga wá odò; E sọ hẹn go e bosọ dọ̀n mi sọn otọ̀ he siso mẹ.+ 17  E whlẹn mi sọn kẹntọ huhlọnnọ ṣie si,+ Yèdọ sọn mẹhe gbẹwanna mi bo dohuhlọn hugan mi lẹ si.+ 18  Yé fọ́n do ji e to azán nugbajẹmẹji ṣie tọn gbè,+ Ṣigba, Jehovah gọalọna mi. 19  E de mi tọ́n bo ze mi do hihọ́tẹn* de; E whlẹn mi gán, na homẹ etọn hùn do go e.+ 20  Jehovah nọ suahọ mi sọgbe hẹ dodowiwa ṣie;+ Ewọ nọ suahọ mi sọgbe hẹ homẹvọnọ-yinyin* ṣie.+ 21  Na yẹn ko gbọṣi aliho Jehovah tọn lẹ ji, Bo ma ko jo Jiwheyẹwhe ṣie do gbọn nuylankan de wiwà dali. 22  Whẹdida etọn lẹpo wẹ to nukọn ṣie; Yẹn ma na gbẹkọ osẹ́ndoai etọn lẹ go. 23  Yẹn na yin madoblọnọ to nukọn etọn,+ Bo na nọ họ́ dee ma nado ṣinuwa.+ 24  Na Jehovah ni suahọ mi sọgbe hẹ dodowiwa ṣie,+ Yèdọ sọgbe hẹ homẹvọnọ-yinyin ṣie to nukọn etọn.+ 25  Na mẹhe yin nugbonọ, hiẹ nọ yinuwa po nugbonọ-yinyin po;+ Na mẹhe madoblọ, hiẹ nọ yinuwa matin oblọ;+ 26  Na mẹhe yin wiwe, hiẹ nọ do dewe hia di wiwe,+ Ṣigba, na ayiha gbíngbánnọ, hiẹ nọ do dewe hia di zinzintọ.+ 27  Na hiẹ nọ whlẹn agbátọnọ* lẹ gán+ Ṣigba, bo nọ zín saklanọ* lẹ do odò.+ 28  Na hiẹ wẹ nọ tá miyọ́ngbán ṣie, Jehovah E, Yèdọ Jiwheyẹwhe ṣie he nọ diọ zinvlu zun hinhọ́n na mi.+ 29  Po alọgọ towe po wẹ yẹn sọgan fọ́n do ogbẹ́ jaguda lẹ tọn ji;+ Po huhlọn Jiwheyẹwhe tọn po wẹ yẹn sọgan lọ́n dasá adó.+ 30  Pipé wẹ aliho Jiwheyẹwhe nugbo lọ tọn;+ Wiwe wẹ ohó Jehovah tọn.+ Ewọ wẹ awọ̀yinu de na mẹhe nọ dín fibẹtado to ewọ mẹ lẹpo.+ 31  Na mẹdevo tẹwẹ sọ yin Jiwheyẹwhe gbọnvona Jehovah?+ Mẹnu wẹ sọ yin osé de gbọnvona Jiwheyẹwhe mítọn?+ 32  Jiwheyẹwhe nugbo lọ wẹ mẹlọ he yí huhlọn ṣinyọ́n na mi,+ Ewọ nasọ hẹn aliho ṣie zun pipé.+ 33  E nọ hẹn afọ ṣie lẹ bikan di agbanlin de tọn; E sọ nọ hẹn mi ṣite to fihe yiaga lẹ.+ 34  Ewọ nọ plọn awhànfunfun alọ ṣie lẹ; Awà ṣie lẹ sọgan dlẹn ogá he yè yí gànvẹẹ do basi. 35  Hiẹ na mi awọ̀yinu mẹwhlẹngán tọn towe,+ Adusilọ towe nọ hẹn mi dote,* Podọ whiwhẹ towe nọ ze mi daga.+ 36  Hiẹ hẹn ali lọ gblo na afọ ṣie lẹ; Afọ* ṣie lẹ ma na dídí.+ 37  Yẹn na dómọna kẹntọ ṣie lẹ bo na plá yé; Yẹn ma na lẹkọ kaka yé nado yin kúnsúdona. 38  Yẹn na gídí yé sọmọ bọ yé ma sọgan fọnṣite ba;+ Yé na jai to afọ ṣie lẹ glọ. 39  Hiẹ na na mi huhlọn na awhàn; Hiẹ na hẹn kẹntọ ṣie lẹ họ́jai to oglọ ṣie.+ 40  Hiẹ na hẹn kẹntọ ṣie lẹ nado họ̀n to nukọn ṣie,* Podọ yẹn na và* mẹhe gbẹwanna mi lẹ sudo.+ 41  Yé nọ dawhá na alọgọ, ṣigba mẹdepope ma tin nado whlẹn yé; Yé tlẹ nọ dawhá ylọ Jehovah, ṣigba e ma nọ siọ yé. 42  Yẹn na lì yé pọ́dọ́pọ́dọ́ di kọ́gudu to jẹhọn nù; Yẹn na kọ̀n yé dlan taidi ogbọ̀n to tòhomẹ-liho lẹ ji. 43  Hiẹ na whlẹn mi sọn aklọ̀n-dintọ lẹ si.+ Hiẹ na de mi taidi nukọntọ akọta lẹ tọn.+ Mẹhe yẹn ma yọnẹn lẹ na nọ wadevizọn na mi.+ 44  Eyin yé sè linlin ṣie poun, yé na nọ setonuna mi; Jonọ lẹ na nọ wá nukọn ṣie po sisọsisọ po.+ 45  Adọgbigbo na vọ̀ do jonọ lẹ; Yé na tọ́n wá sọn figángán yetọn lẹ po sijọsijọ po. 46  Jehovah togbẹ̀! Pipà hlan Osé ṣie!+ Mì gbọ Jiwheyẹwhe whlẹngán ṣie tọn ni yin zizedaga.+ 47  Jiwheyẹwhe nugbo lọ nọ yiahọsu do ota ṣie mẹ;+ E nọ hẹn gbẹtọ lẹ zun mẹmẹglọ to afọ ṣie lẹ glọ. 48  E nọ whlẹn mi sọn kẹntọ ṣie he to adán ji lẹ si; Hiẹ nọ ze mi daga hú mẹhe tọ́navùn mi lẹ;+ Hiẹ nọ whlẹn mi sọn danuwatọ lọ si. 49  Enẹ wẹ zọ́n bọ yẹn na nọ pagigona we to akọta lẹ ṣẹnṣẹn, Jehovah E,+ Yẹn nasọ nọ jihàn pipà tọn lẹ do pà oyín towe.+ 50  E nọ wazọ́n whlẹngán tọn daho* lẹ na ahọlu etọn;+ E nọ do owanyi nugbo hia mẹyiamisisadode etọn,+ Yèdọ na Davidi po kúnkan* etọn po kakadoi.+

Nudọnamẹ Odò Tọn

Pọ́n Zẹm.
Kavi “ofi yiaga ṣie he tindo hihọ́.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi “jẹhọn.”
Kavi “Osinwhín.”
Kavi “fihe gblo.”
To paa mẹ, “wiwe-yinyin.”
Kavi “mẹhe yè to yasana.”
To paa mẹ, “nukun sakla tọn.”
Kavi “hẹn mi dogbẹ̀.”
Kavi “Afọgómẹ.”
Kavi “Hiẹ na hẹn mi nado mọ nẹgbé kẹntọ ṣie lẹ tọn.”
Kavi “bọnùdo na.”
Kavi “nọ wleawuna awhàngbigba daho.”
To paa mẹ, “okún.”