Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 17:1-15

NUHE E BẸHẸN LẸ

  • Odẹ̀ hihọ́ tọn

    • “Hiẹ ko dindona ahun ṣie” (3)

    • “Do oyẹ̀ awà towe lẹ tọn glọ” (8)

Odẹ̀ Davidi tọn. 17  Jehovah E, sè obiọ ṣie na whẹdida dodo; Na ayidonugo awhágbe ṣie na alọgọ; Dotoaina odẹ̀ matin oklọ he yẹn hò.+   Na hiẹ ni basi nudide dodo tọn do ota ṣie mẹ;+ Nukun towe ni mọ nuhe sọgbe.   Hiẹ ko dindona ahun ṣie, bo gbadopọnna mi to zánmẹ;+ Hiẹ ko gbeje mi pọ́n;+ Hiẹ nasọ mọdọ yẹn ma kàn ayiha gigẹdẹ de, Podọ onù ṣie ma gbàsẹ́n.   Na nuhe dù nuwiwa gbẹtọvi tọn lẹ, Yẹn nọ dapana aliho jaguda lẹ tọn, to kọndopọ mẹ hẹ nuhe nùflo towe dọ.+   Gbọ afọdide ṣie lẹ ni gbọṣi ali towe lẹ ji, Na afọ ṣie lẹ nikaa dahli.+   Jiwheyẹwhe E, yẹn dawhá ylọ we, na yẹn yọnẹn dọ hiẹ na siọ mi.+ Lẹ́ otó towe* hlan mi. Sè ohó ṣie lẹ.+   Do owanyi nugbo towe hia to aliho he jiawu mẹ,+ Hiẹ he yin Whlẹngántọ mẹhe dín fibẹtado to adusilọ towe mẹ lẹ tọn, He nọ whlẹn yé sọn mẹhe ṣiatẹ sọta we lẹ si.   Basi hihọ́na mi taidi nukunzìn towe;+ Ze mi whlá do oyẹ̀ awà towe lẹ tọn glọ.+   Basi hihọ́na mi sọn mẹylankan he tọ́navùn mi si, Yèdọ sọn kẹntọ ṣie* he lẹdo mi bo to okú ṣie dín lẹ si.+ 10  Yé ko hẹn ahun yetọn tliji; Yé nọ yí onù yetọn do dọho po goyiyi po; 11  Todin, yé nọ glọnalina mí;+ Yé nọ dín dotẹnmẹ hundote nado zìn mí dai. 12  Mẹylankan taidi kinnikinni de he to jejeji nado tlẹ́n nuhe e wle do flinflin, Yèdọ di kinnikinni winyanwinyan de he mlọnai to fie e tọ̀wu dai do. 13  Jehovah E, fọ́n do e ji+ bo zìn in dai; Yí ohí towe do whlẹn mi* sọn mẹylankan si; 14  Jehovah E, yí alọ towe do whlẹn mi, Sọn omẹ aihọn* ehe tọn lẹ si, mẹhe titonu ehe mẹ wẹ mimá yetọn te lẹ,+ Mẹhe hiẹ nọ yí nudagbe he a wleawuna lẹ do pekọna+ Podọ mẹhe nọ jo ogú de do na visunnu susu he yé tindo lẹ. 15  Ṣigba na yẹn tọn, dodowiwa mẹ wẹ yẹn na mọ nukunmẹ towe te; Yẹn na tindo pekọ eyin yẹn fọ́n bo mọdọ hiẹ tin hẹ mi.*+

Nudọnamẹ Odò Tọn

Kavi “Dẹ́ hlan odò bo dotoai.”
Kavi “kẹntọ alindọn ṣie tọn lẹ.”
Kavi “alindọn ṣie.”
Kavi “titonu.”
Kavi “bo mọ awusọhia towe.”