Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 16:1-11

NUHE E BẸHẸN LẸ

  • Jehovah, Asisa dagbewà tọn

    • “Jehovah wẹ mimá ṣie” (5)

    • ‘Linlẹn ṣie lẹ nọ wọhẹ mi to zánmẹ’ (7)

    • ‘Jehovah tin to adusilọ ṣie mẹ’ (8)

    • “Hiẹ ma na jo mi do Yọdò mẹ” (10)

Miktami* Davidi tọn. 16  Jiwheyẹwhe E, basi hihọ́na mi, na yẹn ko dín fibẹtado to hiẹ mẹ.+   Yẹn ko dọna Jehovah dọmọ: “Hiẹ wẹ Jehovah, Asisa dagbewà tọn ṣie.   Podọ omẹ wiwe he to aigba ji lẹ, Yèdọ omẹ nukundeji lẹ nọ hẹn ayajẹ daho wá na mi.”+   Mẹhe to afọdona yẹwhe devo lẹ nọ hẹn awubla yede tọn sudeji.+ Yẹn ma na doalọ to avọ́nunina nùnù ohùn tọn yetọn lẹ mẹ gbede, Mọjanwẹ nùflo ṣie ma na ylọ oyín yetọn lẹ do niyẹn.+   Jehovah wẹ mimá ṣie, adà he yin didena mi+ podọ kọfo ṣie.+ Hiẹ wẹ nọ basi hihọ́na ogú ṣie.   Ofi dagbedagbe lẹ ko yin mimá na mi. Mọwẹ, homẹ ṣie hùn do ogú ṣie go.+   Yẹn na pà Jehovah he ko na mi ayinamẹ.+ Etlẹ yin to zánmẹ, linlẹn ṣie he whlá lẹ* nọ wọhẹ mi.+   Jehovah tin to nukọn ṣie to whepoponu.+ Na ewọ tin to adusilọ ṣie mẹ wutu, yẹn ma na yin tẹnsẹna gbede.*+   Enẹwutu wẹ ahun ṣie do nọ jaya, bọ yẹnlọsu pete* gọ́ na ayajẹ. Yẹn* sọ nọ nọ̀ hihọ́ mẹ. 10  Na hiẹ ma na jo mi do* Yọdò* mẹ.+ Hiẹ ma na dike nugbonọ towe ni mọ odò lọ.*+ 11  Hiẹ nọ hẹn ali ogbẹ̀ tọn zun yinyọnẹn na mi.+ Ayajẹ susugege wẹ tin to nukọn towe;+ Homẹhunhun* tin to adusilọ towe mẹ kakadoi.

Nudọnamẹ Odò Tọn

Pọ́n Zẹm.
Kavi “numọtolanmẹ sisosiso ṣie lẹ.” To paa mẹ, “ayi ṣie lẹ.”
Kavi “ma na mùsà (dahli) gbede.”
To paa mẹ, “gigo ṣie.”
Kavi “Agbasalan ṣie.”
Kavi “ma na gbẹkọ alindọn ṣie go do.”
Kavi “Ṣeol,” enẹ wẹ, yọdò paa gbẹtọvi lẹ tọn. Pọ́n Zẹm.
Kavi vlavo, “ni mọ gbigble.”
Kavi “Awuvivi.”