Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu 15:1-5

NUHE E BẸHẸN LẸ

  • Mẹnu wẹ gán nọ to gòhọ Jehovah tọn mẹ?

    • Mẹhe nọ dọ nugbo to ahun mẹ (2)

    • Mẹhe ma nọ hẹnmẹgble (3)

    • Mẹhe nọ depà eyin etlẹ vẹawu (4)

Ohàn Davidi tọn. 15  Jehovah E, mẹnu wẹ sọgan yin jonọ to gòhọ towe mẹ? Mẹnu wẹ sọgan nọ osó wiwe towe ji?+   Mẹhe to zọnlinzin matin oblọ,*+ Bo nọ wà dodo+ Bosọ nọ dọ nugbo to ahun ede tọn mẹ.+   Mẹhe ma nọ yí odẹ́ etọn do hẹnmẹgble,+ Bo ma nọ wà nuylankan depope do kọmẹnu etọn,+ Bo masọ nọ hẹn yinkọ gble na* họntọn etọn lẹ.+   Mẹhe nọ gbẹ́ mẹvọ́nu lẹ dai,+ Ṣigba, bo nọ gbògbéna mẹhe nọ dibusi Jehovah lẹ. E nọ de opà* etọn lẹ, etlẹ yin to whenue enẹ sọgan hẹn awugble wá na ẹn.+   Mẹhe nọ yàn akuẹ namẹ bo ma nọ donukun akuẹvi,+ Bo masọ nọ kẹalọyi alọgodo-kuẹ nado sawhẹdokọna homẹvọnọ.+ Mẹdepope he to onú ehelẹ wà ma na yin tẹnsẹna gbede.*+

Nudọnamẹ Odò Tọn

Kavi “to tenọgli mẹ.”
Kavi “nọ dowinyan.”
To paa mẹ, “whiwhle.”
Kavi “ma na mùsà (dahli) gbede.”