Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

Salmu lẹ 149:1-9

NUHE E BẸHẸN LẸ

  • Ohàn de nado pà Jiwheyẹwhe

    • Jiwheyẹwhe nọ hùnhomẹ do omẹ etọn lẹ go (4)

    • Gbégbò jẹna nugbonọ Jiwheyẹwhe tọn lẹ (9)

149  Mì pà Jah!* Mì jihàn yọyọ de hlan Jehovah;+ Mì nọ pà ẹ to agun nugbonọ lẹ tọn mẹ.+   Mì gbọ Islaeli ni nọ jaya to Mẹdatọ Daho etọn mẹ;+ Mì gbọ visunnu Ziọni tọn lẹ ni nọ jẹaglin to Ahọlu yetọn mẹ.   Mì gbọ yé ni yí wedudu do pà oyín etọn+ Bo yí ohún po ajalẹn po do jihàn pipà tọn lẹ hlan ẹn.+   Na Jehovah nọ hùnhomẹ do omẹ etọn lẹ go.+ E nọ yí whlẹngán do doaṣọ́na homẹmimiọnnọ lẹ.+   Mì gbọ nugbonọ lẹ ni nọ jẹaglin to gigo mẹ; Yé ni nọ yí ayajẹ do dawhá to adọzan yetọn lẹ ji.+   Na ohàn he nọ pà Jiwheyẹwhe lẹ ni nọ to onù yetọn mẹ, Bọ ohí onù awenọ de ni nọ to alọ yetọn mẹ,   Nado yiahọsu to akọta lẹ go Bo hẹn yasanamẹ wá gbẹtọ lẹ ji,   Nado yí gẹdẹ do blá ahọlu yetọn lẹ Bosọ yí afọgàn lẹ do blá omẹ nukundeji yetọn lẹ,   Nado hẹn whẹdida he ko yin kinkandai sọta yé lọ ṣẹ.+ Nugbonọ etọn lẹpo wẹ tindo gbégbò ehe. Mì pà Jah!*

Nudọnamẹ Odò Tọn

Kavi “Halelujah!” “Jah” yin sándogli yinkọ lọ Jehovah tọn.
Kavi “Halelujah!” “Jah” yin sándogli yinkọ lọ Jehovah tọn.